Ki dushi ta e musica di Don Williams “I believe in you’, I believe in babies, I believe in Mom and Dad, I believe in children”…..Si, ta asina bunita kere den bo, kere den baby, kere den Mama y Tata, kere den mucha……ki bunita ta tambe e ora , pa kere den Dios y kere den mi mes. Esaki ta fe, esaki ta confianza, esaki ta ser positivo den pensamento, accion, palabra y hecho, pues locual mi ta hasi, e ehempelnan cu mi ta duna, e trato y respet cu mi ta duna y ricibi, con mi ta biba, con mi ta cuida mi mes, toch ? Nos ta bailando riba melodianan stranjo di ups and downs den temponan un crenchi dificil, fastioso y complica. Pasobra, ainda…….ainda e Corona Virus ta sigui su mesun bayle hunto cu nos y ta bira e pareha di varios persona cu , kiko, tin mala suerte, pa kiko, pa falta di vitamina den nos sistema immunologico of un sorto di karma cu ta toca na nos porta ? Of simplemente cosnan ta pasa pa cu e balans universal den mundo?. Pakiko hasi asina druk pa e virus aki, cu, si pa anjas ta existi tur otro sorto di virus y malesa cu regularmente ta exigi bida di sernan keri pa e balans universal ? Nos ta muri, baby ta nace. Kiko anto ? Tin hende den instancianan cu kier controla otro ? Ku kier bende nan productonan cu nan a inventa y traha ? Pasa nan miedo ariba otronan ? Tin demasiado hende riba mundo ? Tur hende kier biba mas di 144 anja den e curpa aki den e mundo material fisico aki ? Nos tur ta desea, nos tur kier biba mas largo, y nos tur tin miedo di muri, pasobra nos no sa kiko ta nifica ser morto pa bo mes, ora cu otronan ta despedi di bo curpa y kere den fe cu e spirito, e alma ta sigui baila den un otro mundo, un mundo di otro dimension, esun spiritual cu nos no por wak, pero si sinti den e vibracionnan den naturalesa rond di nos?. Ta parti di Lady Ruth su pensamentonan y opinion, segun ela crese, lesa, wak y tende. Mientras dia ta bin, dia ta bay, solo ta sali, solo ta baha, nos bida afecta pa decisionnan tuma pa algun autoridad cu tin cu laga naturalesa tuma su mesun rumbo y trate cu remedinan mas natural posible y of cumindanan cu vitamina den nan etc.y cu Gracia di Dios , Dios mediante cu algun tempo mas pa biba ?, pasobra mas regla no ta e solucion. No por forza cosnan riba otronan, tin cierto libertad den cada un di nos, si nos tur coopera cu nos comportacion y e leynan di Dios, cosnan por mehora, toch ? Lesa e poema na hulandes aki, cu ta inclui den e boeki nobo di Lady Ruth “Alegria di Ruthy” Poema 2.
“HET JAAR 2020 PLUS?
Mijn pijn en verdriet in dit gedicht
Over familie, vrienden, de liefde en het licht
In de duisternis van het jaar 2020
Met mensen niet meer dicht op elkaar
Niet meer omhelzen en kussen
Onze ziel en onze gevoelens sussen?
Met mondkapjes, handen wassen, ver van elkaar
Onze oudjes, onze kinderen, ingesloten hier en daar
Een virus genaamd Corona, Covid-19
Een virus die we niet kunnen zien
Een virus die zomaar ergens vandaan kwam
Als een vijand, niet als een vriend
Zou God dan boos zijn op ons gedrag en geweten?
Zijn we samen teveel mensen op deze aarde ?
Zijn we de tien geboden vergeten?
Laten we dan terugkeren tot God’s licht
Moge Hij ons vergeven en herstellen
Mijn gebed in dit gedicht
Nos tur , sernan humano , a wordo crea na Dios su semejanza. Tur cos bibo cu ta hala rosea ela crea pa nos por tin pa disfruta di nan. E naturaleza, su flora y fauna , como bunita decoracion.
Ban cana den su lus, ban stima manera ela sinja nos den su mandamentonan. Nos sa y ta comprende cu awendia temponan ta otro, cu mas y mas libertad den tur cos, pero si sigui ta “free for all” , esta, si nos tur hasi kiko cu nos kier cu nos mente, alma y curpa, nos tin cu carga tambe e consecuencianan y para responsabel pa tur nos actonan den nos bida. Tur cos tin un prijs. “Voor wat, hoort wat “. Nos sonsrisa, nos alegria, nos respet, nos amor pa nos mes y pa otro por ta gratis, por nada, pero hasta esakinan sa hasi nos corazon dolor , pesey……….drecha bo relacion cu bo Dios.
Cuida curpa. “Stay safe, love you too !”
