“Gelukkig was ik er niet bij !” of “ Danki Dios ami no tawatatey eynan “ tawata e titulo di e poema di Lady Ruth, cu ela recita durante e anochi interesante y impactante na “Neighba Café” , dia prome di Juli 2023, conmemorando e dia di abolishon 160 anjanan di esclavitud. Ainda den e luna aki di Augustus tin programanan encuanto e tema aki di esclavitud, presenta pa nos flamante ministro di cultura Sra. Xiomara Maduro y invitadonan na televishon. E ta keda un tema delicado y doloroso pa famianan di sernan keri cu tawata esclavo den e temponan aya.
E pareha Sonny y Celeste Richardson hunto cu un comishon a organisa e evento exitoso e anochi aki den curason di San Nicolas. Hopi di esnan cu a bin presencia y of participa na e programa a bin bunita bisti den nan outfit colorido, representando nan cultura dignamente. Tawata un anochi sumamente interesante cu presentacion di lecturanan reparti den capitulonan encuanto e desaroyo te na yega na abolishon di esclavitud presenta pa Profesor Gregory Richardson. E lugar “Neighba” tawata completamente yen di personanan di nos comunidad, na altura di e tema esclavitud of no, pero cu a bin scucha y sinya algo mas di e tema aki, dificil pa lubida y pone den pasado. E cabayero Sonny Richardson den su outfit cultural bunita a toca ariba tambu, yamando asina tur hende bon bini. Tawatatin presentacion bunita di un di e rumannan Connor tocando steelpan y nos amigo colega artista Mo Mohamed hunto cu dos otro artista, e.o. un di su yiunan, a duna un presentacion musical ariba tambu. Y tawatatin canto di un coro y un solista acompanja pa un guitarista. Dr. Joyce Perreira a duna un presentacion na Papiamento encuanto kolonianismo su desventahanan den ensenjanza pa cu nos idioma Papiamento y a recita tambe un bunita poema “Atardi” di Joseph Sickman Corsen di hopi anja pasa. Un grupo di baile a baila masha bunita y Lady Ruth tambe a wordo invita, pa recita su poema na hulandes :”Gelukkig was ik er niet bij!” Ta un poema cu a nace varios anja pasa despues di a bishita e museo “Kura Hulanda” na nos isla ruman Corsouw, durante un di e actividadnan cultural den un campamento di lidernan scout “Koempoelan”. E tawata un bishita hopi pero hopi emocional. Por a wak e.o. cadenanan pisa largo of cortico na unda esclavonan tawata wordo mara y of golpea. Hopi tristo mes.
Ata aki e poema:
“GELUKKIG WAS IK ER NIET BIJ
De woorden blijven maar vloeien
Mijn hart is boordevol
Zie het licht in de ogen gloeien
Maar met mijn glas nog half vol
Gevoelens blijven spreken
Gedachten spelen ermee
Schrijven doe ik liever dan lezen
Over mijn gezegend eilandje in de zee
Over de mensen die hier wonen
Over de mensen die hier zijn
Over hardwerken en over lonen
Over de ziel die vrij kan zijn
Ik zelf, nooit echt slaven gezien
Die waren voor mijn tijd
Maar mijn bezoek aan “Kura Hulanda” op Curacao liet zien
Mijn hart en ziel gevuld met droevige pijn
Geschiedenis die soms blijft plakken
Lessen om nooit meer te vergeten
Naar God’s liefde blijven snakken
Samen in een grote, universele ziel gezeten.
E biaha aki, un “chispa” di e bunita anochi social cultural y musical na “Neighba Café” den curason di San Nicolas di abolishon di 160 anja esclavitud. Danki pa lesa nos relato cu atencion
Pasa un bon dia yen di sabiduria den nos alegria ! Un “bearhug” pa boso tambe ! Cuida curpa.
