E entidadnan publico Saba y St Eustatius, durante un reunion na St Eustatius, a acorda pa reforsa e cooperacion entre e dos islanan.
Un delegacion chikito di Saba, encabesa pa Comisionado Bruce Zagers, a biaha pa St. Eustatius pa un reunion cu e meta pa reforsa e cooperacion cu e isla ruman riba diferente area. A acorda cu e islanan lo explora mas posibilidad pa un asercamento conhunto mas fuerte riba topiconan manera di Banco, Notario, biahamento aereo y maritimo, maneho di desperdicio y reciclahe, y Cuido di Salud.
Banda di e gruponan cu trabou cu ta existi caba riba diferente area, e delegacionnan a acorda cu e tabata importante pa instala un grupo di trabou cu lo tene un bista general riba tur e temanan cu ta trahando riba nan. Caa un di e topiconan aki tin su retonan pa cual un asercamento specifico y posibel solucion ta necesario.
E dos islanan tambe a acorda pa traha riba un documento conhunto pa loke ta maneho di naturalesa / medio ambiente y maneho di desperdicio.
Despues di e reunion Comisionado di Gobierno Alida Francis a duna un splicacion amplio di e diferente proyectonan andando durante un tour largo riba e isla. Riba e di dos dia, e delegacion di Saba a bishita e facilidad di maneho di sushi. E delegacion a ricibi un splicacion amplio riba con e facilidad aki y e procesonan laboral rond di esaki ta funciona.
Esnan di St Eustatius presente tabata Comisionado di Gobierno Francis, Secretario reemplasante di e isla Marion Schroen, Conseho riba Maneho Susanne van den Groenendaal, Director di Economia, Naturalesa y Infrastructura (ENI) Anthony Reid, Project Manager pa Proyectonan di Infrastructura y Consehero di ENI Advisor Robert Lansbergen. Presente pa Saba tabata Comisionado Zagers, Consehero di Maneho Nicole Johnson, Hefe di Departamento di Maneho di Desperdico y Reciclahe Camillo Usuga, y Secretario di e Isla Tim Muller.
