Debi cu COVID-19 variante Omicron ta un di e variantenan cu ta plama hopi lihe , gobernador di Saba a dicidi cu lo bay tuma mas medida cu lo cuminsa diasabra awo dia 25 di december dia di Pasco te final di januari 2022.
Desde diasabra awo tur persona cu kier bishita Saba mester mester haci un PCR test prome cu nan por drenta e isla. Sea cu e persona ta bin for di un pais di risco of no risico abao of halto e PCR test ta oblicatorio. Sinembargo personanan cu ta biba na Saba y cu ta Sali pa dos dia of menos no lo mester haci un PCR test.
E desicionnan aki a keda tuma pa asina evita cu e omicron keda crece drasticamente na Saba , asina gobernador di Saba Jonathan Johnson a duna di conoce.
E reglanan ta cu tur hende cu yega Saba mester test despues di dos y 5 dia cu ta riba e isla, tur hende mester tin un mask bisti na momento cu nan ta riba caminda publico, supermercado,taxi. E personanan cu no ta vacuna mester bay den cuarentena durante 5 dia y atende cu e medidanan regular cu tin.
Autoridadnan di Saba a dicidi di anuncia Merca como un di e paisnan di riesgo halto diarason ultimo, esaki ta significa cu lo acepta solamente e PCR test na entrada di e isla den 72 ora , esaki ta conta pa tur Mericano cu ta bin pa un solo dia tambe y despues sigui pa e otro islanan. Tambe nan lo mester tin nan formulario di EHAS yena den 24 ora . Gobierno di Saba ta consiente cu Omicron lo drenta e isla pero ta trata di preveni esaki mas tanto cu ta posibel y asina haya e oportunidad pa tur hende por haya e booster shot mas lihe cu ta posibel, segun gobernador Johnson.
E campanja a cuminsa pa esnan cu tin 60 anja y otro siman lo cuminsa duna tur esnan cu ta traha den cuido medico.
Gobernador di Saba Jonathan Johnson a duna di conoce cu Saba tabatatin hopi suerte den henter e proseso di Covid-19 , pero cu e realidad di e variante Omicron ta plama hopi mas lihe. Gobierno di Saba ;lo haci di su parti y traha pa por soluciona loke cu bini , pero e realidad ta tambe cu e comunidad di saba tambe mester duna di su parti pa keda mas proteha cu ta posibel pa asina hunto Sali for di e situacion di e variante Omicron. Si ta sinti malo bay hospital of tambe por cumpra un test na boticanan di Saba. Sinembargo gobernador di Saba ta duna di conoce tambe cu ningun vacuna ta 100% efectivo , pero si ta minimalisa e grado fuerte di e virus cu por causa hopi mas danjo den e sistema di e persona.
