Diahuebs ultimo a tuma luga na Saba Heritahe center un encuentro cu comunidad di Saba unda cu a papia riba e investigacion cu a tuma luga door di gobierno di Saba. E investigacion aki a keda haci cu un programa extenso di investigacion unda cu dr Jaime pagan Jimenez y dr. Kees Nooren lo presenta nan investigacion,nan prome discubrimento nan y e plan nan cu nan tin.
Presencia di e comunidad di Saba tabata importante pa asina nan por comparti storianan y conocimento den e partinan aki y pa asina hunto nan por comparti e conocimentonan aki , prinsipalmente e conocimento social y e adaptacion climatico cu a cambia.
Tur esnan cu tabata presente na e anochi informativo aki a haya un bon bini door di miembronan di parlamento di Saba, gerente di Saba Heritahe center Voto Charles y gezaghebber Jonathan Johnson.
Prof,dr. Corinne Hofman cu ta un di e investigadornan esencial di e programa a haci un introduccion di e presentacion di dr Jaime pagan Jimenez y dr. Kees Nooren. E investigacion aki ta pa mira e clima di Saba con e tabata den pasado y mira con e la desaroyo te cu awor .
Dr Jaime pagan Jimenez a comparti e investigacion cu e la haci di e cuminda di Saba unda cu a saca afo di e cuminda cu ta keda produci na Saba y comi door di e prome personanan cu tabata biba na Saba. Como specialista e la haci su investigacion archeologico, intercambio di conocemento di e ciudadano di Saba riba matanan di antes.
Tambe e investigadornan a splica loke cu nan proyectonan por laga e ciudadanonan di Saba mira na dje den infrastructura, naturalesa y sistema di awa, pero tambe kico tur e cambionan aki por ilustra pa e cambio climatico cu tin den e tempo aya.
Dr.Nooren ta duna di conoce cu e tempo aya tabata haci mas calor y tabatin mas actividad di volcan riba e isla, esaki ta tempo di e prome ciudadanonan cu tabata biba riba e isla. Door di e trabaonan di investigacion por haya sa con e prome ciudadanonan cu a bin biba na Saba por a wanta e cambio climatico y e actividadnan di e horcannan y secura .
Tambe tin hopi informacion riba e historia di Saba , prekolonial construccion di edificionan. Sinembargo cambionan lo keda bin prinsipalmente riba e cuminda y tambe construccion. E investigacion nan aki lo pone cu Saba ta mas na conocimento y cu lo keda bira mas fuerte, segun Dr Pagan Jimenez cu a bin di Puerto Rico pa haci investigacion.
Tur e proyectonan aki ta un parti di henter e programa di investigacion (Island (er)s at the Helm) cu ta enfoca riba e adaptacion di e Sociedad, retonan climatico den e islanan di Caribe. Lysanne Charles cu ta di Saba mes tambe a forma parti di e investigacion aki unda cu e la aporta cu informacion di conocimento di e bida local y e maneho di horcan na Saba,St Eustatius y St Maarten. Cu tur e investigacionnan aki gerencia di Saba Heritahe center ta duna di conoce cu e center lo por cuminsa traha optimal unda cu e ciudadanonan di Saba y turistanan por bin bishita y haya conocimento di e historia di Saba y cu e tradicionnan aki no bay perdi unda cu lo sigui keda duna na e siguiente generacionnan.
