Saba cu mas exigi di viahe pa Aruba ,Corsou y St Maarten

.Entrante awe 16 di augustus SABA lo tuma medidanan nobo pa biaheronan cu ta bin for di Aruba,Corsou y St Maarten. Esaki ta e motibo di e cantidad di cifranan di personanan infecta cu COVID. Tur persona cu ta sali sea di Aruba, Corsou y St maarten 72 ora prome cu nan yega SABA nan mester tin un PCR test negativo sea cu nan ta vacuna of nan no ta vacuna.
Sinembargo e personanan cu ta vacuna nan no lo mester bay den cuarentena pero si e reglanan cu ta stipula nan lo mester cumpli cu ne na unda cu den 5 dia na Saba nan lo mester haci un test. Esnan cu ta biba na Saba cu a haci bishita na un di e islanan menshona nan lo mester atende cu tur e reglanan cu tin na Saba unda cu lo mester traha mas tanto cu ta posibel na cas, no bay caminda cu tin aglomeracion di hende y si nan ta traha na trabao nan mester tin un mask constantemente bisti.
E personanan cu no ta vacuna nan tur mester drenta cuarentena si nan ta bin sea di Aruba, Corsou y St Maarten, pero si nan ta bin di un otro isla of pais cu nan risico no ta halto nan no lo mester bay den cuarentena.
E decision cu gobierno di Saba a anuncia pa implementa pa un PCR test obligatorio y otro medidanan pa esnan cu ta bin di Aruba, Corsou y St Maarten ta un desicion di e crisis managment team diabierna ultimo cu a reuni riba e situacion di COVID. Durante di e reunion ey a papia riba e situacion di e islanan y a tuma un decision riba e situacion.
Den e reunion tabata hopi dificil pa a tuma un desicion asina prinsipalmente pa St maarten debi hopi hende ta biaha via St Maarten pa Saba y visa versa. Sinembargo e desicion a keda tuma debi cu St Maartin su casonan ta keda subi , prinsipalmente esun di Delta.
Saba mes tin un porcentahe hopi halto di personanan cu a vacuna y esaki sigur ta positivo pa e isla. Tambe nan a cuminsa vacuna e hobenan entre 12 -17 aña y eski sigur a cana bon. Un total di 87 prociento a ricibi nan prome vacuna di Moderna y e siman nos dilanti e vacunacion lo sigui.