Un delegacion di Saba tabatin un reunion positivo cu Minister Hulandes pa asuntonan di Clima y Energiab Rob jetten. Esaki a tuma luga siman pasa.
Tema di discusion tabata e ambicio di Saba pa genera corriente den un forma completamente renobael por medio di e sistema di energía solar y di biento.
E entidad publico di Saba, Saba Electric Company (SEC) y Ministerio di Asuntonan Economico y Clima (EZK) a crea un plan conhunto pa energia renovabel. Saba ya caba tin parkenan solar banda di Juancho Yrausquin Airport c uta genera rond di 40% di e corriente 24 ora pa dia. Un turbina di biento di tamaño mediano di 4.2 MW cu deposito pa batería lo ta suficiente pa bay for di 40% te cu 90% di e energía renovabel necesario. Durantenan dianan cu biento y solo, Saba lo genera 100% di su corriente na un forma sostenibel.
Durante e reunión di diahuebs ultimo, a discuti e inversión necesario pa e proyectio akai calcula na 11 pa 13 miyon dollar. Un suma substancia di 4.1 miyon euro lo bini for di Union Europeo (UE) den forma di préstamo pa inversionnan den energía renovabel na Saba. Esey ta laga un suma basta grandi di 7 miyon euro necesario ainda pa financiamento di e proyecto. E buraco aki a wordo discuto den e reunión cu Ministerio di EZK mas tempran den siman ey.
“E bunita isla di Saba ta tumando pasonan pa bay dirección di un clima 100% neutral. Hunto cu e Gobierno di e isla, mi ta trahando pa concretisa e pasonan pa un producción mas limpia inda di energía na Saba,” Minister Jetten a bisa despues di e encuentro cu e delegación di Saba diahuebs ultimo.
Comisionado Bruce Zagers a bisa cu e tabata encurasha pa e desaroyo positivo. “Gobierno di Saba ta apoya completamente e iniciativa di SEC. No ta lucha p ata e ehempel den Caribel mientras cu nos ta bira sostebibel den generación di electricidad cu e meta pa tin 100% di energía renovabel,” el a bisa.
Generando casi 100% di energía renovabel ta nifica cu Saba lo bira menos dependiente di combustible tradicional, un fuente di energía cu no solamente ta malo pa medio ambiente, pero cu tambe ta costoso y ta envolví gastonan halto di transporte. Un porcentahe halto na final tambe lo tin un efecto positivo pa mitiga e prijsnan halto di corriente pa consumidonan, y ta fit cu e imagen di Saba como un destinación verde y promove un eco turismo.
