Secretario di estado Hulandes di cultura y Media Gunay Uslu y Entidad Publico di Boneiro, St.Eustatius y SABA a firma diamars ultimo un pacto Cultural. Den e acuerdo aki e cuater islanan a compromete nan mes pa asumi e responsabilidad hunto pa e infrastructura cultural den Caribe Hulandes. E islanan kier impulsa e cambio na un politica cultural mas sostenibel y establece un base miho.
Esaki a tuma luga abase di un colaboracion den e area di educacion cultural,participacion cultural, inversionnan den bibliotecanan y mehora e accesibilidad di e islanan di e fondonan cultural. Lo pone atencion special na e patrimonio cultural unda cu lo comparti pasado di esclavista. Den e proximo paso Hulanda y Entidadnan Publico lo sigui elabora e acuerdonan di e pacto den e agendanan cultural di e islanan. Na mes momento tambe a bay diacuerdo riba e metanan cu hunto nan kier alcansa como islanan. E impacto cultural ta e comienso di un cooperacion mayor.
E comision di SABA , Bruce Zagers a firma e convenio den number di comision di Asuntonan Cultural. Rolando Wilson no por tabata presente mirando cu e tin problema cu salud y no por a asisti na e ceremonia. SABA ta contento di forma parti di e movemento aki unda cu ta duna e Cultura di e Pais prioridad riba agenda. E firma di e acuerdo aki definitivamente ta un di e prome paso nan cu ta tuma luga di tur esunnan cu ta na caminda pa establece un politica cultural berdaderamente integral y ehecutabel
E discusionnan aki a tuma luga pa varios tempo caba y awo a yega e oportunidad y como pais ta hopi contento di por yega na e punto aki, asina Zager a duna di conoce. Tambe loke cu tabata bon cla cu e impacto cultural no a yega su punto final, pero e ta simplemente un comienso, awo como Entidad Publico lo mester haci esfuersonan y trabaonan unda cu lo mester educa, crea y documenta tur informacion necesario cu ta importante pa e desaroyo cultural. SABA ta spera di por keda haya sosten di Hulanda, aunke como Pais nan ta separa hopi mia di otro tog asina mes ambos cultura tin storianan hunto cu ta haci SABA unico, segun Zager.