Despues di a tene un pausa chikito di algun siman, ata nos bek cu nos relato semanal tan gusta pa esnan cu ta gusta lesa cosnan bunita y positivo. Nos ta den anja nobo, 2023, cu hopi gradicimento na nos curason pa tur e bendicionnan ricibi anja pasa, no matter e situacionnan problematico cu a surgi, cu ainda nos tin cu enfrenta y ta en espera di su solucion. Nos salud ta bon y nos por ketobay traha un crenchi riba laptop pa inspira nos prome relato di 2023. Den luna di December di anja 2022 nos grupo di oracion di Vidente Valerie a sera anja cu un super dushi fiesta di angelnan, cu dushi musica bailabel di Francis Jacobs. Nos bunita ruman sra. Linda a habri su cas y curason pa nos grupo cu a comparti un anochi sumamente agradabel cu otro. Nos angelnan bunita den nan costuum a pone mas zjeito y alegria na nos celebracion. Y den e prome luna di anja nobo 2023, dia 7 di Januari nos a habri anja cu e bunita y dushi fiesta celebracion di 3 Rey na cas di Shon Ida, cu e biento dushi friuw y fresco riba sero. Nos a canta Happy Birthday pa Shon Ida cu a cumpli anja e dia ey. Algun di nos rumannan caballero guapo y gentil, bisti den nan costuum, hunto cu Mama Maria y San Hose y baby Jesus tawata den “picture” un biaha mas, prome cu pone e storia ey di Tres Rey un banda pa sigui cu e otro storianan etc. cu lo hanja nan debido atencion durante 2023. Ki bunita grupo di fe, di hermandad , gozo y alegria. Nos grupo cu awor ta reuni na Modanza , varia na casnan di e rumannan den e grupo di oracion unico y bendiciona aki. E lugar Koyari ta den scuridad y sin movecion , tristo para, so den su mesun banjo , despues cu nan a exigi pa sera e lugar aki, cu tawata atrae tambe nos turistanan di tur parti pa bin na un lugar di paz, awor ta den pleno scuridad. Stranjonan y desconosi pa Lady Ruth, ta sigui expresa nan odio, dolor y rabia riba nos Vidente, djies pasobra nos Vidente a scoge pa amor di berdad den un pareha nobo, djies pasobra e no kier sigui wanta abusonan fisico ni mental mas. Danki Dios, nos banda di medaya a sali algo prome cu fin di anja den Bon Dia y Solo di Pueblo y on line ariba E Arubiano News. Pa motibonan fuera di nos comprondemento, e no a sali den Diario. Pero, e par di hendenan cu no por ni kier acepta e cambionan positivo y bunita den e bida di sra. Valerie ta purba di sigui bruha tera y sigui cu nan menazanan links en rechts cu nan mentiranan y testimonio falso . Nos no ta desea nan malo, sino, pa nan hanja nan caminda bek pa Dios, pa nan hanja nan strea di nort bek cu nan a perde pa nan mesun falta.
Nan a hanja nan kier, nan tin e lugar Koyari, pakiko sigui tormenta hendenan nechi drechi y di paz cu nan mal manjanan ? Ki jaloezie tin den e asunto aki ? Let go and let God. Bo no por cambia cosnan cu Dios ta obrando den nan. Sigui cu boso bida trankil y stop di molestia nos grupo, nos no ta mete cu ningun otro grupo di oracion riba Aruba den ningun districto.
Cada persona tin nan pasado, presente y futuro. Nos ta ripiti : Esun cu ta sin fout, sin pica, sin error, sin fayo, tira e prome piedra dilanti bo mesun pianan, pa recordabo cu ningun di nos ta perfecto. Nos ta sigui padilanti cu fe, amor,paz, alegria y sabiduria. Danki lieve Mama Hortencia pa habri cas y curason pa nos grupo y tambe tur e otro rumannan di bon boluntad y amor pa Dios, pa Hesus y pa Mama Maria y pa nos Vidente Valerie. Boso hogarnan lo ricibi mas bendicion sigur. Nos ta gradici nos bon Dios pa cada les, cada experiencia y cada momento dificil of suave den e anja aki cu e tin pa nos. Ora bo tin Hesus di berdad den bo curason como bo luz, tur caminda riba Aruba ta un paraiso chikito riba su mes, e dushi paz interno ningun otro persona of lugar no por kita fei bo. Dios ta unda bo ta, ora bo respeta bo mes y bo prohimo. Ora bo pidi pordon pa bo mesun fayonan y saca e balki foi den bo mesun wowo prome. Nos curason di Poeta ta expresa esaki cu tristeza na su curason, pasobra e tambe kier wak un isla cu mas union, mas amor, mas comprenshon. Pero en berdad no ta tur alma tin e mesun lus. E Hesus den e almanan ey ta yora den silencio. Pordona bo mes, pa bo lus no paga ful. Cu Amor di Dios semper tin speranza. Nos tur conose nos mes masha bon. No sigui busca pretexto ni motibonan falso pa sigui tormenta esnan cu bo a stima y ta stima , aunke foi distancia, pasobra porta s sera bo.
Si bo balora y trata hende bon, bo no lo perdele. E lo por sigui ta un amigo of ruman den Christo .Danki pa lesa nos prome relato di 2023. Un bon anja ! Stay safe ! Love you too !
