Ruman Robert Werleman: Famia Werleman ta haci apelacion na comunidad si wak pedro pa yama mesora

Robert Weleman tin algun dia ta buscando su ruman homber cu a bay for di cas pa 10 dia caba. Segun e ruman homber  su ruman Pedro Werleman tin problema cu salud mental y e mester bebe su medicamentonan. E hoben a dies bay for di cas for di diaranson y ningun famia no sa di dje y e mester bebe su medicina nan, pero tampoco e no tin placa y e no tin cuminda pa come y tampoco no tin caminda pa bay pa e por baña y cambia paña. 

E famianan tampoco no a nota nada straño algun dia prome cu e la bay for di cas , pesey mes  pa nan tambe ta un situacion hopi straño cu dies un dia pa otro e la dies sali di cas bay sin nada. Segun e ruman homber Robert e ta un hoben cu ta gusta di ta na cas e no ta sali yun caminda y e no tin hopi amistad y e no ta socialisa hopi tampoco, esaki ta pa motibo di su problemanan di salud mental y cu e ta hopi cera cu su mes tambe. 

No sa kico por a conduci cu e la sali sea cu e no a bebe su remedinan unda cu e ta haya pensamento nan diferente y hende ta papia den su cabes cu ta duna mensahenan pa e bay for di cas cual cu no ta bon. Pero famianan ta preocupa mirando cu no sa unda cu e por ta . Famianan ta pidi henter pueblo di Aruba si nan por a wak e pa tuma contacto mesora cu nan y nan lo yega na e sitio pa asina busca nan ruman Pedro Werleman. 

Tin diferente hende ta yama y bisa cu nan a wak e pero ora di yega e no tey mas. Ta pidi pa esunnan cu por wak e pa yama famia y keda un rato den bisindario pa tin wowo riba dje pa haya chance pa por yega cerca dje. Pedro a sali di ponton banda di Wema y ultimo biaha cu a haya un yamada cu nan a wak pedro tabata banda di Wel Wel,  C –mart y na Barcadera.  

Famia a bay polis y a warda riba e dos dianan pa por pone e buskeda cu pedro ta perdi. Polis a duna informacion diamars cu diabierna siman pasa nan a haya su tas cu par di telefon , headset , holoshi, paspoort riba lama unda cu un turista a haya esaki na Marriot Surf Club. 

Polis tin e caso y ta atendiendo cu e caso pa haya e hoben bek pa su cas. Famianan ta considera e situacion hopi critico mirando cu Pedro ta malo mentalmente. Famianan ta haci un yamada na comunidad di Aruba pa duna un man cualkier tip cu por tin pa por yama mesora na 6999025, 7367766,5653225. Carecidamente famia ta pidi pueblo di Aruba pa yuda si mira Pedro pa por yama mesora pa e por yega cas.