Ex minister di enseñansa Rudy Lampe ta lamenta e situacion cu Aruba ta den dje na e momentonan aki cu situacion di John Wesley College(JWC) mester cera su portanan. Na mes momento ta mira cu gobierno y minister di enseñansa no ta asumi nan responsabilidad den e parti aki. Segun Lampe efectivamente John Wesley College ta cay bao di SPCO y e bestuur por tuma un decision pero tur scol y fundacion na Aruba ta keda subsidia pa gobierno, esaki ta pone cu for di un pot tur placa ta bin pa enseñansa.
Pa e motibo aki un minister di enseñansa mester tin e bista general di kico ta pasando den enseñansa y pa ta pro activo prome cu algo pasa ya mester a tuma accion y ta net esaki a falta unda cu minister di educacion di nos gobierno di Aruba mester tuma. Segun Lampe gobierno di Aruba ta co responsabel cu John Wesley College ta cera su portanan.
Rudy Lampe di RED a vocifera cu tin fundacionnan na Aruba cu tin un escasez di docente, espacio na Aruba y awo tin un fundacion cu ta John Wesley College cu tin espacio dimas y tin maestro dimas y tur ta keda paga door di placa di pueblo di Aruba. Segun lampe con por ta posibel cu e mandatario concerni no a yama e fundacionnan hunto y sinta na mesa y splica cu ta un pot ta paga tur fundacion y pa hunto cera cabes pa asina yun docente perde trabao.
Segun lampe loke cu ta bay sosode na e momentonan aki ta cu docentenan ta bay wordo paga dos aña di salario sin traha y despues di dos aña nan ta sin trabao. Tambe tin un situacion cu tin fundacionnan cu hasta ta buscando docentenan di afo paso tin escasez di maestro na Aruba. Ta increibel pa kere di ta laga un situacion escala cu ta pone maestronan na cas cu pago di salario y otro fundacionnan ta pensando pa busca maestro docente di afo paso nan no tin maestro, aki ta mira cu gobierno a faya barbaramente pa ta pro activo den tipo di situacionnan asina, mester a mira esaki ta bin pa asina cu prome cu e pasa ta trata di evita pa un docente perde trabao.
Segun Lampe e situacion aki ta bay bira mas pio debi cu tin otro fundacionnan manera SKOA ta calcula abase di e rapport di inpectie unda cu ta ilustra cu tin casi 30 docente y espacio dimas na un fundacion y nan ta sigui opera cu placa di pueblo, Pero un SPCO cu ta mas estricto finansieramente debi cu tin dimas maestro y espacio tin cu cera su porta. Ta trabao di un gobierno pa yama e stakeholdersnan hunto pa resolve unda tin dimas maestro ta pone pa coopera unda cu tin escasez di maestro. Segun lampe tin varios forma huridico cu por haci esaki ( tin varios caminda cu por yega na Roma).
Aruba tin dos scol , colegio Bon Bini y Colegio Frère Bonifacius cu mester di atencion, Colegio Bon Bini practicamente tin diferente klas nan bashi y Colegio Frère Bonifacius ta un scol chikito y ta birando mas chikito y por a fit den e local nan bashi di Colegio Bon Bini. Sinembargo actualmente Aruba ta pagando huur tur luna y hopi caro pa Colegio Frère Bonifacius por ta den un localidad.
Segun lampe tempo e tabata minister y a cancel e huur y bisa loke cu mester wordo haci pa scapa placa di pueblo, prome minister a bin den minister raad cancel decision di mi e tempo ey como minister di enseñansa y no por sigui cu esey pa por scapa placa di pueblo.
Segun Lampe su persona a cuminsa cu diferente scolnan innovativo cu ta Edu Campus cu ta basa riba educacion ful digitalisa y personalisa na ingles y tin scarsedad di espacio unda cu tin asina hopi demanda pa studiantenan cu kier bay e scol ey cu ta pone cu tin scarsedad di maestro. Segun lampe na momento cu e tabata minister e la pone docentenan terbeschikking mirando cu tin mester di docente na e scol y nan ta keda cu nan trabao, pero e minister nobo di enseñansa a kita bek tur e docentenan cu tabata ter beschikking y na unda cu ta pone cu e schoolgeld ta bay subi y e mayornan mester bay paga mas.
Tambe na San Nicolas mes a cuminsa cu un scol nobo pa inmigrantenan y local. E scol ta full renoba y ta full digitalisa tin scarsedad di docente y espacio. Sr. Rudy Lampe di RED no por compronde dicon no a sinta na mesa cu e fundacionnan pa mira un solucion unda cu nan por apoya otro y traha cu otro pa asina di e manera aki niun docente no ta perde trabao.
1 comment
[…] Source link […]