Fundacion Anti Droga Aruba (FADA) ta conoci hopi cu por busca ayudo na momento cu tin problema cu alcohol of droga. Sinembargo esaki no ta e caso mas. Fundacion FADA banda di adiccion for di aña 2021 FADA a cuminsa focus riba loke ta trata salud mental.
Sinembargo no ta kita situacion di adiccion for di salud mental debi cu nan ta conecta na otro. Un persona cu adiccion por desaroya un problema cu su salud mental of un persona cu tin problema cu salud mental por desaroya su mes den adiccion tambe. Rubiella Toppenberg ta trahado preventivo na FADA ta duna di conoce cu FADA a kies topiconan cu ta mira cu ta desaroya den comunidad unda cu tin e necesidad pa papia riba e situacion.
Topiconan cu ta bin hopi den comunidad ta ansiedad, depresion, Bipolar, Schizofrenia,Psicosis,Borderline Personality desorder,Burnout y Bore out.
Actualmente den comunidad di Aruba tin diferente problemanan di salud mental cu tin personanan ta sufri di dje y ta lucha cu ne tur dia. Sinembargo FADA ta habri pa papia riba tur e topiconan aki basa riba prevencion pa evita cu un persona por desaroya e malesa y e personanan cu tin e malesa critico caba pa yuda nan yega na solucionnan y ki tipo di ayudo nan tin mester.
FADA ta traha hopi riba e tarea pa preveni pa asina e generacion nobo tambe por pasa over di esaki. Tin un realidad na Aruba cu un generacion hopi grandi ta lucha cu salud mental na Aruba. Pesey FADA ta kere cu ta hopi importante pa FADA duna tur informacion necesario pa e persona tin tur tools necesario pa por atende cu nan situacion di salud mental.
FADA ta haci su investigacionnan adicional tambe y ultimo biaha cu por a papia cu un psikiatra a constata cu ya caba for di un edad relativamente hoben muchanan ta sufri di depresion, ta papia aki na un edad di 7 aña ya caba tin pashentnan cu ta pidi ayudo riba depresion y otro problemanan di salud mental.
Un di e hobennan di mas jong cu a keda trata pa Schizofrenia ta un hoben di 14 aña, Schizofrenia ta un problema di salud mental unda cu e persona ta scucha un persona ta papia cu ne y mayoria biaha ta papia cosnan malo cu ne, esaki ta frecuenta hopi bao di nos hobennan y e muchanan ta pidi pa ayudo den e parti aki tambe. Segun profesional Rubiella Toppenberg tiki tiki e edadnan ta baha mas, pero mester bisa tambe cu despues di pandemia tur caso a sali mas na cla.
Sinembargo no ta trata solamente di hoben pero despues di pandemia hopi hende di edad a bati na porta di FADA cu hopi problema di depresion. Banda di tur e problemanan di salud mental, depresion ta esun mas hopi den nos comunidad y na momento cu un depresion no wordo trata por mira cu e persona ta desaroya un actitud di ansiedad tambe. Na e momento ey ta haya un persona cu dos problema.
Tambe tin personanan cu ta sufri di Bipolar unda cu un dia nan ta bon y contento y e otro dia nan ta drenta den un fase di depresion di 4 pa 7 dia nan ta tristo y despues atrobe nan ta contento. E ta un cambio di emocion continuo di e personanan aki, pero ta importante pa nan sa con ta deal cune. Pesey FADA ta trata di duna tur informacion necesario tanto pa e pashent mes of e mayornan y famia cu tin cu yuda y atende cu e pashent cu e problema di salud mental.
1 comment
[…] Source link […]