Pa medio di un transferensia tradishonal , yamá ‘peddeloverdracht’ Kapitan Tom di ‘Compagnie in de West (CidW), rotashon 39, ta pasa tareanan pa su susesor Mayor Rian, di Rotashon 40. CidW ta un unidat permanente di Forsanan Militar Real, ubiká den Region Karibe. Nan por duna sosten na e tres tareanan mayor di Defensa den Region Karibe.
E unidat ku ta bayendo ta konsistí di Militarnan di Brigada Aeromóbil 11 prosedente di Schaarsbergen. Durante e último lunanan e Compagnie aki a drai den difernte ehersisio, a duna sosten durante e evenementu marítimo Velas Latinoamerica Kòrsou i a para stand-by durante pasashi di e tormenta banda di islanan ABC. Kapitan Tom p’esei ta mira bèk riba un periodo hopi bon. “Un ratu pasá mi a transferí e komando di CidW na mi susesor. Mañan nos ta bolbe bèk Hulanda. Mi ta wak bèk atras riba 4 luna intensivo, un periodo balioso, durante kua komo unidat nos a krese enormemente. Mi ke gradisí tur hende pa un koperashon ameno i ta desea nos susesornan hopi eksito!”
E Komandante nobo di CidW, Mayor Rian, ta antisipá e 4 lunanan benidero. “Desde awe mi a risibí e liderato riba CidW-40. Huntu ku un ‘Compagnie’ kompletamente nobo formá di diferente unidat di ‘Operationeel Ondersteuningscommando Land (OOCL)’ nos ta drenta den e reto bunita aki. Mi sa sigur ku huntu ku tur nos speshalisatnan lo por ta di un balor agregá grandi den Region Karibe i mi ta antisipá e kolaborashon ku nos koleganan di e Komando di Forsnan Naval. Por ultimo mi ke gradisí e staf di CidW-39 pa nan tremendo resepshon na e lokalidat, i mi ta desea boso un vakashon tremendo.”
OOCL ta e unidat dentro di Forsanan Militar Real den kua tur sosten operashonal a keda tresé huntu. Ta trata aki di unidatnan ku un karakter spesialisá riba tereno amplio.
Di e forma aki CidW-40 tin kapasidat di ingenieria ku ta sigurá konstrukshon i mantenshon di infrastrukturnan kompleto (military). Pensa aki riba kayanan, brùgnan, edifisionan, awa, gas, etc. Pa esaki e tin un skala ekstenso di vehíkulonan i hèrmènt di konstrukshon. Adishonalmente un unidat di rekonosementu tambe ta parti di e rotashon aki. Esaki ta un unidat speshalisá den kondusi rekonosementu den un área di operashonnan militar. Pero tambe nan por keda desplegá pa tarenan di vigilansha i siguridat.
Ambos unidat ta sostenéservisionan di emergensia i outoridatnan riba un base regular. Sosten na outoridatnan lokal tambe ta unu di e tareanan mayó di Defensa den Region Karibe.
Durante e simannan benidero, e Compagnie nobo lo prepará su mes pa e rotashon benidero. Nan ta hasi esaki organisando aktividatnan di ‘team building’ i kompletando un programa di treinen interno.
