Manera ta ampliamente konosí e situashon ku transporte global ta bastante kompliká después di e krisis di Covid-19.
Sinembargo na Bonairu, tin otro faktor ku ta hasi e situashon ainda mas difísil. Den pasado tabata tin vários momento kaba ku barkunan di karga no por a mara na waf, pa motibu di barku di turista ku ta okupá tur espasio.
Rònt Boneiru por ripará ku hopi supermerkado aktualmente no tin sierto produkto na stòk. Según un supermerkado lokal, e situashon ta bira pió dor di e barkunan krusero ku a kuminsá bishitá nos isla bèk. Un barku ku konteiner na bordo, pa e motibu ei, e siman aki no por a mara na waf, tresiendo kune tardansa i tambe gastu èkstra.
Mas karu
Segun e supermerkado konserní doño di e kompania di transporte ta menasá awor di stòp ku transporte di konteiner stret pa Boneiru. Si esaki sosodé, tur karga lo mester kuminsá pasa Kòrsou atrobe, loke lo hasi produktonan ku ya a subi bastante di prèis aun mas karu. Un bista di rèki ku un solo paki di manteka na Van den Tweel djamars mainta.
Pòtret: ABC Online Media