Edrick Croes ta traha den e parti di cuido y maneho di Archivo na Archivo Nacional Aruba (ANA) unda cu e ta atende cu e maneho di archivo di Aruba. Archivo Nacional Aruba ANA a dedica un siman largo riba archivo. E departamento aki di gobierno tin un balor grandi pa por archiva e historia di Aruba.
Tabata un siman positivo y fructifero unda cu Archivo Nacional a haya bisita di Prome MInister y Minister di Cultura, pero tambe diferente fundacionnan cu nos grandinan ta forma parti di dje.
Enovacion ta tumando luga rond mundo y na Aruba tambe, Archivo Nacional Aruba a cuminsa cu e parti inovativo tambe unda cu a bini hunto archivonan entre e país nan di Aruba, Curacao, Surname y Hulanda cu ta trata di upgrate nos hendenan riba e parti digital di archivo.
Pa e siman positivo aki a bin tres archivo grandi cu ta di SAC, famia Genser y minister tambe a bin cu un archivo digital unda cu tin tur e conferencianan di prensa di e material di COVID cu ta un pandemia cu Aruba a pasa den dje. Ta importante tipo di desaroyonan asina mirando cu e archivo hopi biaha ta keda entrega 10 of 20 aña despues cu nan a wordo crea, pero digital no por warda 10 aña pa trece.
E archivo di COVID ta hopi importante pa e futuro generacion, mirando e impacto cu esaki a bin cu ne y tur e cambionan cu e la trece cu ne manera, structura estatal, placa, relacion den Reino Hulandes, relacion cu otro paisnan den Reino Hulandes cu tambe ta den Caribe, esaki ta pone cu e archivo di COVID ta interesante cu nos sa caba di awo cu e informacion cu ta trata di COVID con nos pais a reacciona riba dje ta bira un parti historico cu aki 100/200 aña nan ta bay skirbi over di dje.
Erick Croes ta contento di por a mira e archivonan di Sac cu ta di aña 50 bay ariba y e conferencianan di prensa di COVID cu ta recien pero cu ta hopi importante tambe. Tur material lo keda uza pa e futuro investigadornan historico, pero tambe social.
E balor mas grandi cu ta e meta final di Archivo Nacional Aruba ta pa warda archivonan pa cultura. Sinembargo nos no mester lubida cu anos como persona tambe ta creando historia pa nos futuro generacion cu tambe lo tin e derecho y previlegio pa por sa con cosnan ta manera nan ta door di desicionnan cu nos a tuma awo, esaki ta e rol principal di Archivo Nacional Aruba (ANA) y no solamente e cosnan bieu.
E materialnan bieu tambe tin nan storia historico, pero nos mester recorda cu nos bida tambe ta creando historia y cultura. Esaki no lo ta pa nos mas pero e lo ta pa nos bisa bisa nietonan pa por compronde dicon nan ta biba asina, y esaki ta debi na e desicionnan cu cada un di nos a tuma na e momentonan aki.
Nos ta canando den un era digital y full mundo a cuminsa cana e caminda aki. Importante ta pa nos percura pa mantene nan na bida. E siman di celebracion a pasa pero archivo nacional ta habri pa tur hende trece nan archivonan.
