Na centro di bario Brazil a tuma luga festival di cantica di caya organisa pa fundacion Chico Harms. E ganado absoluto tabata Robert Maduro. E evento grandi di cultura cu a tuma luga na centro di bario Brazil ta uno sigur di aplaudi y Robert Maduro ta contento di por aporta na e cultura di Aruba di e manera aki.
E compositor di e cancion ta su mes un persona y e areglista tabata den man di Elton Trimon, Movi Grew y Chris Loefstop cu ta Aruba su musiconan. E cantica cu a keda traha ta cu e amor y e mente den e grupo Amor di nos cultura pa asina ora compaña e grupo cu ta bay riba caya y baila, kier pa tin ambiente riba caya.
Segun Robert Maduro esaki ta hopi importante na momento cu e gruponan sali riba caya pa e musica por pone un ambiente cu tur hende ta move riba caya. Artista Robert Maduro ta contento di mira un centro di barcio Brazil completamente yen unda cu tin un ambiente culural, unda cu por a sinti un ambiente arubano e anochi di e festival di cantica di caya. Di aprome y 3 di september Aruba folklorico ta riba caminda y lo resona e cancion riba caya pa tur esunnan den grupo y banda di caminda por gosa manera mester ta.
Na di tres luga a keda Jelisse Boekhoudt cu cancion “Brasa bo Cultura” di dos luga a keda Hubert Ras cu cancion “ un direccion” y e ganado absoluto Robert Maduro cu cancion “Laga Caya Papia”
