Reunion importante y informativo entre parlamentario Robert Candelaria y Rode Kruis Aruba a tuma luga awe mainta. A sinta cu Michelle La Hae (Director Rode Kruis); Mitsi Lopez (Regional Protection Delegate) y Emily Muller (Project Assistant), kendenan a duna detayadamente kico tur ta e trabou boluntario di Rode Kruis den e pandemia aki y cuanto ayudo a yega na e comunidad.
Robert Candelaria ta indica cu ainda Aruba ta den temporada di un pandemia, comunidad ta pasando den sufrimento grandi no solamente di malesa pero tambe di efectonan economico di a perde trabou (entrada), como tambe casnan cu nan a corta awa, coriente como tambe e necesidad di por yega na cuminda. Tur esaki tin cu pone hunto na momento di enfoca tambe riba e trabou di esnan cu ta dia aden dia afo dunando tur locual cu ta na nan alcance. Un di e instancianan aki ta Rode Kruis Aruba cu ta trahando cu alma y curpa y cu sigur a laga un impresion grandi atras pa e trabou cu nan ta desplega.
Candelaria a menciona cu Rode Kruis Aruba na e momento aki ta conta cu 200 boluntario cu ta bezig ta haci un trabou excepcional. A compronde cu for di momento cu e pandemia a inicia te cu na e momentonan aki a duna 55 mil cuminda, cu ta un averahe di 400 cuminda pa dia, den colaboracion cu YMCA cu ta esun encarga cu preparacion di e cumindanan aki. Na prome instante tabata reparti cuminda cu un otro instancia pero esaki a pasa awo riba nan mes.
Ta haci uzo di un carchi special (un tipo di credit card) cu ta bay na e comunidad cu ta den necesidad grandi. Por medio di ecarchi aki ta cumpra comestibel na nuebe establecimento, rond Aruba, cu ta afilia cu e organisacion aki.
Pa locual ta trata e ayudo aki tin te cu awo cinco mil famia registra pero ta premira cu lo tin cu amplia e ayudo aki cu algun mil carchi mas. Esaki ta un averahe di tres persona pa famia, 15 mil hende mas o menos cu ta depende di e ayudo aki totalmente. Total ta premira cu e lo bira riba 22 mil persona.
E ayudo cu nan ta brinda tambe ta bay na personanan indocumenta riba nos isla, cu tambe ta ser humano y mester di por ehempel ayudo medico, muchahanan cu ta na scol, material pa bay scol entre otro y cu ta haci nan un organisacion indispensabel riba nos pais, den nos comunidad cu nos mester ta contento cu nan t’ey.
Un apelacion ta na su luga na tur instancia na Aruba, principalmente na gobierno mirando e situacion dificil cu nos pais ta aden, cu ta momento pa pone diferencianan un banda y traha hunto.
Robert Candelaria ta di opinion cu ora traha hunto, pone schoudernan hunto cu e mesun proposito, cu den e momento aki ta di evita pa nos comunidad pasa hamber, e beneficionan basico manera awa, cuido medico, derechonan legal ta bon pa tin un Rode Kruis y su boluntarionan. Ta bon tambe pa nan ricibi e sosten cu nan mester pa continua cu e trabou aki. No sa cuanto mas nan, y tur otro organisacion lo por wanta pero tin cu brasa y carga e iniciativanan aki.
Locual ta e expectativa pa cu turismo, e no ta locual a pensa pa asina nos pais recupera nos economia. Ta mira cu e lo bay tarda y ta p’esey ta gradicido na Rode Kruis Aruba y ta propone pa haci nan ayudo uno hopi mas grandi door di traha hunto y “ta spera cu tur instancia y departamento di gobierno, gobierno mes como tambe coleganan den Parlamento y demas instancianan por duna mas aporte di nan banda, awo ta momento pa hacie
