PoliticaFeatured

Robert Candelaria: Mi kier pa husticia haya su trankilidad bek

Robert Candelaria Aruba

E tabata un campaña cortico pero hopi intensive, tabata e prome palabranan di Robert Candelaria, candidate di partido AVP, despues cu el a caba di deposita su voto.
El a bisa cu ta bedad cu pueblo ta pidi caranan nobo. Y e ta un di nan, aunke cu el a bini cu su experiencia. E mes, el a bisa, tin idea di loke por ta miho. E ta convenci tambe cu e lo por pone husticia, y otro ministerionan, na un nivel mucho mas halto di loke e ta aworaki. “esey ta yena nos di hopi animo pa logra haci esaki un realidad.”
E problema di ilegalidad tambe ta algo cu tin su atencion. Mester haci e posibilidadnan di entradanan ilegal menos y cu nan por bay nan pais mas lihe posibel. Pero tambe mester ataca e problema di otro banda, atende cu esnan cu ta yuda e personanan cu ta trece un competencia inhusto, un mal uzo di e hendenan.
“Mi kier pa husticia haya su trankilidad bek. Nan mester sinti cu esun sinta riba e stoel kier scucha y traha hunto cu nan, pa sirbi comunidad.”
Candelaria a wordo compaña pa su esposa y su yiu, kende ta vota pa prome biaha.

Related posts

BONHATA Orguyosamente Ta Yama Bon Biní na Miembronan Nobo Durante su Reunion General Anual

EA News Author

Lider di Fraccion di AVP, mr. Mike Eman: Medida riba topinkomens lo trickle down bahando tur salario

EA News Author

Den Palisiaweg palo di luz putri a cay y ranca otro bin abao cu ne

EA News Author

Leave a Comment

Whatsapp Message