Riool den area di hotel den mal condicion no a wanta mas y a kibra. E sistema di riool banda di hotel pa ta exacto e caminda dilanti Banco Central direccion rotonde di Alhambra ta un sistema basta bieu den e area ey. Por a tuma nota di trabaonan andando, esaki tin di haber cu e riool di asbest a kibra y a conduci cu tur e area a haya su mes cu problema. Pero e bon noticia ta cu e problema no a dura mucho mirando cu DOW a bay den accion mesora y a atende cu e situacion y a haci cambio di e tubo di asbest pa un tubo di PVC. Den un dia e trabao a wordo haci y e area su conexion a keda bon.
