E brasa di nos Señor Cristo Hesus ta hancho habri 24/7 pa tur esnan cu kier bini serca dj’E.
Ta solamente E por kita dolor, preocupacion, rechaso, menosprecio,duda, angustia, orguyo,
arogancia,duresa di curason, capricho, ta E so por haci nos liber di berdad.
Ta para scirbi: Mateo 11:28 : Bin serca mi tur cu ta cansa y carga, y lo mi duna boso sosiego.
No ta importa bo situacion, kico hende a haci bo, kico hende por a papia, no ta importa si hende a
traiciona bo, hende a bandonabo, tur locual abo tin di haci ta , aserca Hesus y elo duna bo sosiego, cu
ningun hende por duna bo.
Ta para scirbi: 2 Corintionan 5:17 Pesey , si un hende ta den Cristo, ta un criatura nobo e ta, e cosnan
bieu a pasa, ata tur cos a bira nobo.
*Hopi biaha e diabel ta gaña hende pone nan pensa cu e situacion di nan bida no por cambia, cu nan
mester keda den nan error, den nan inmoralidad, abominacion, adiccion, prostitucion,maldad, malicia,
corupcion, pa asina destrui nan bida,pa no por alcansa cielo.
*Pero e palabra di Dios ta demostra cu no ta importa bo pica, bo sexo, si bo ta criminal of un persona
cu tur hende ta rechasa pa motibo di su mal comportacion, si bo bini na Cristo, e brasa di Señor ta
habri pa bo, no lubida e criminal riba crus na Calvario,.ni tampoco Saulo di Tarso.
*Materialismo tin hopi hende gaña , nan ta kere den poder di placa, y rechasa e amor di Dios, pa nan
bida, pero nan ta lubida, cu Dios tin mas poder cu placa, y cu ta yega e momento cu hende lo sclama
na Dios pa nan bida, y di nan famia.
Ta para scirbi Isaias 1:18-19 Bin awor y laga nos rasona hunto,Señor ta bisa.Maske boso picanan ta
manera scarlata, nan lo bira blanco manera sneeuw.
Maske nan ta cora manera scarlata , nan lo bira manera lana.Si boso ta dispuesto y ta obedece, boso lo
come e mihor di e tera.
Salmo 103:3 ta para scirbi; Kende ta pordona tur bo inikidadnan, Kede ta cura tur bo malesanan.
Ningun hende no tin mester di laga e enemigo of hende usa nan pa maldad y inmoralidad, pasobra
Señor tey pa libra y pa sana, di tur malicia y di tur scuridad.
Senor ta yen di compasion y gracia,Kende no ta rabia lihe, y ta abunda den misericordia.(Salmo
103:8).
Una bes nos reconoce Cristo Hesus como Señor y Salbador, y tene na cuenta tur momento cu ta cielo
ta goberna nos bida, nos bida lo cambia, pasobra e no ta den nos mes man, pero den man di e altisimo.
Revelacion 3:20 ta para scirbi: Ata mi ta para , na e porta y ta bati, si un hende tende Mi bos y habri
porta,lo Mi drenta serca dje, y lo Mi cena cune y e cu Mi.
E evangelio di e reino di Dios, ta duna oportunidad pa yuda tur hende cu kier sali for di dominio di
scuridad, y bini na e lus admirable, cual ta Cristo Hesus.
Serca Dios tin lugar pa tur esnan cu kier arepenti di pica y sigi cu un bida pa Cristo.
Romanonan 8:28 ta bisa: Pesey awor no tin condenacion pa esnan cu ta den Cristo Hesus.
Romanonan 8:37 ta bisa: Ma den tur cos, nos ta mas cu vencedor, door di Esun cu a stima nos.
Romanonan 8:31 ta bisa : Si Dios ta cu nos ken por ta contra nos.
Sinceramente Pastor Marcel Balootje.
