Partido Red a yama un conferencia di prensa y a elabora riba enseñansa y desaroyonan cu ta tumando luga politicamente. Ricardo Croes di RED ta duna di conoce cu e ta sinti hopi duele di mira e desaroyonan cu ta tumando luga specialmente riba e nivel politico.
Segun Ricardo Croes por a ripara diferente desaroyonan cu a tuma luga den enseñansa despues cu gobierno a cambia. Durante di e gobierno anterior ex minister di enseñansa Rudy Lampe a bin cu diferente cambionan positivo pa enseñansa di Aruba. Awe por mira cu John Wesley College a cera su portanan, DPS cu awor aki mester bira independiente pero ningun hende no ta bisa nada.
Durante cu ex minister di enseñansa tabata tey y a pone esaki nan como cambionan tur hende a manifesta unda cu mas di 400 pa 500 persona a presenta den jolavest San Nicolas pa manifesta contra di maneho di ex minister Lampe.
Segun Ricardo Coes di RED prome Minister mes a declara cu no por laga sr. Lampe ehecuta su plannan debi cu e ta bira mucho grandi y a haci tur posibel pa para su careda y cu exito, segun Ricardo Croes di RED. Sinembargo tur berdad ta sali na cla , pero realmente ken pa kere awe?
Segun Ricardo Croes pa manipula, troce un berdad pa interes politico y pueblo ta kere su mes y mirando awe na e momentonan aki John Wesley ta cera na San Nicolas no tabata necesario paso RED tabatin tur solucion, loke ta un realidad ta abo como ciudadano tin e poder pa votacion y cu ta dicidi.
Na mes momento Ricardo Croes ta recorda cu e luna aki ta cumpli 20 aña di partido RED democratico cu ta un partido integro y responsabel, Rudy Lampe como minister di enseñansa a carga e presupuesto di mas grandi responsablemente y cu elogio di Raad van Advies, pero awe ta partido RED ta na cas y tur hende ta na kehamento.
Sinembargo dia 30 di Mei Partido RED ta celebra 20 aña di aniversario pa recorda nos miembronan di e meta y vision di e partido RED. Lo trece padilanti e plan nan y ideologia y ideanan cu ciudadanonan di Aruba. E invitacion ta keda pa tur miembro pa ta presente entre 7or cu 9or di anochi na edificio di ATIA na Dakota.