Partido RED democratico a yama un conferencia di prensa na unda cu Richardo Croes a elabora riba e costo di bida cu ta asotando pais Aruba. Segun Ricardo Croes e ta increibel cu na momento cu mester drenta cualkier luga pa cumpra paña of cuminda por a ripara cu e prijsnan a subi di un manera cu practicamente ta impagabel.
Na Aruba ta conoci cu mayoria hende tin nan cas, un auto of diferente otro material abase di hypotheek of un lening na banco. Esaki ta significa cu na momento fin di luna yega cu e costo di bida a subi ta stretch mester stretch e placa den un forma of otro pa wak con pa logra cubri cu tur e obligacionnan cu tin den un luna.
Segun Ricardo Croes di RED tin hopi famia cu tin mas cu un yiu y e ta practicamente un necesidad den un comunidad den un pais cu ta vergrijs manera nos pais. Pero e pregunta ta keda con ta haci cria un famia di mas cu un yiu cu salario abao.
Di otro banda no por pres riba e comerciantenan tampoco debi cu e costo nan pa haci un negoshi ta halto y na final ta e comunidad di Aruba ta paga pa tur cos. Segun Ricardo Croes di RED gobernantenan sin ningun vision, sin yun conocemento drechi contra di tur conseho ta introduci sistemanan di impuesto manera BBO na frontera cu ta keda subi den un forma acumulativo sin cu tin ningun manera pa frena esaki cu excepcion cu desde 2005 caba partido RED democratico a introduci e tempo ey prome cu BBO un BTW cu si a aplica esaki den e forma cu e la keda presenta, awe Aruba no ta conoce e tipo di problemanan cu Aruba ta den dje actualmente.
Banda di cuminda y telefon pa paga, tur e gastonan aki tambe mester prepara pa scol habri. Sinembargo no ta un secreto cu na momento cu scol habri tur aña hopi famia ta confronta cu e gasto astronomico di uniform, material escolar, schoolgeld tur esakinan no ta baha bao di 1000 florin pa luna. Si mester imagina un persona cu tin 2 yiu lo mester tin un entrada di 3 mil florin belaastbaar cu den un luna ta haye confronta cu tur e debenan siendo cu ya durante henter aña caba ta rek e florin mas cu e por caba pa asina por duna sikiera e basico den alimentacion di su famia. Segun Ricardo Croes di RED Gobierno no tin ningun plan y no ta haci nada pa alivia e peso pa e comunidad.
Click aki bao like y share