Ricardo Croes di RED den conferencia di prensa ta duna di conoce cu dia 22 di mei 2023 ta 2 aña di gobernacion di e gobierno cu ta sinta awe. Sinembargo no a tende nada mas di e palabra di Cannabis mas. Minister Oduber a bin cu e departamento pa hinca stof den wowo, “Nos ta keda hinca den tempo” segun Ricardo Croes Aruba ta bay 50 aña atras.
Politico Ricardo Croes ta haci un apelacion na comunidad pa ta mas consciente , pero no solamente di e desaroyo cu a tuma luga pero esun cu ta tumando luga , no solamente di loke a pasa , pero tambe di loke ta pasando awo.Parrtido RED tin 10 aña ta papia di sector primario y a drenta gobernacion cu pilar economico pa sector primario, pero unda e plan ey a keda ? Segun Ricardo Croes supuestamente nos mes a boicotia nos mes.
Tambe partido RED a mustra un maneho financiero cu hamas nunca e gobiernonan di Pais Aruba a conoce, entre otro e maneho di presupuesto di enseyansa bao di maneho di ex minister di enseyansa Rudy Lampe, pero awe partido RED ta na cas y Sr. Rudy Lampe tambe ta na cas.
Segun Ricardo Croes di RED e pilar economico di Pais Aruba yama fia y chupa sanger di e pueblo. Tambe awo riba vraag en aanbod tambe nan lo bin pa bo segun Ricardo Croes. DIOS librabao di pone algo cu bo ta bende riba vraag en aanbod paso minister wever ta bin pa bo segun Ricardo Croes.
“Bo no ta scapa” abo cultivado, piscado cu ta bende su yambo canto di caminda nan ta bin pa bo. Partido RED a presenta su vision y ta campanjando cu e mes un programa, esaki ta pa motibo cu e programa no a keda ehecuta. Pilar economico , sector primario, educacion , problemanan den reino ect ect. Segun Ricardo Croes si gobierno a ehecuta e plan economico di partido RED awe Aruba tin su di dos pilar economico. Gobierno a papia di fast trek den parlamento pero awe no tin ni fast trek, slow trek , yun trek por a mira.
Un pais cu na momento cu entrada di cas no ta yega e pais ta core risico grandi unda cu criminalidad ta subi, esnan cu no por paga nan medicina tipo di malesanan den e pais ta subi unda cu e pais ta bira mas zwak y e comunidad ta keda bobo. Segun Ricardo Croes di RED Aruba tin solamente 3% academico y israel tin 45% y Hulanda tin 30 %, esaki ta di preocupa.