Dia 26 aprel ultimo a tuma luga e reunion di parlamento kaminda a trata e tema COHO ku a keda aseptá pa Gabinete Pisas. For di 31 ougústús 2021 frakshon di MAN a hasi petishon pa un reunion publiko riba e tema. Nos ta kontentu ku porfin e reunion aki a tuma lugá pa asina nos por a debatí ku Gobièrnu. E lei di Konsenso COHO ya kaba tin konsenso di parti Gobièrnunan i awor ta na Parlamentonan pa keda trata.
Den e reunion aki Frakshon di MAN a pone su posishon bon kla ku ta e mesun posishon aproba pa konseho di Partido MAN. Den e reunion di Parlamento Frakshon di MAN tabata tin komo meta pa parlamento komo organo fiha posishon i tin un posishon kual ta benefisia Kòrsou i garantisá desaroyo di nos pueblo i nos hendenan. E posishon aki a keda pone den un moshon kaminda a buska sosten di otro frakshonnan den parlamento.
E moshon ta kontene komo desishon:
- Puntonan di atenshon i dolo ku nos tin den e lei COHO
- Mandato pa nos Parlamento aserka Parlamento di Aruba i di St. Maarten pa huntu trese amienda pa trese kambio den lei COHO
- Pa nos Parlamento urgi Tweede Kamer i Eerste Kamer tene na konsiderashon ku e puntonan di atenshon i dolo prome ku e lei COHO keda aseptá
E moshon presenta pa Frakshon di MAN a keda sostene pa un mayoria di 20 voto na fabor. Un kopia di e moshon a bai pa nos Gobièrnu, Gobièrnu i Parlamento di Aruba i di St. Maarten. Tambe e moshon a bai pa Gobièrnu di Reino, Tweede Kamer i Eerste Kamer.
Frakshon di MAN ta kontentu ku a logra e meta kual ta pone posishon di Parlamento pero tambe stipulá akshon ku Parlamento lo tuma den e proseso di tratamentu di lei COHO.
