Partido pa progreso (PEP) miembro di parlamento Melissa Gumbs y Reayhon Peterson hunto cu Parlamentario MPs George Pantophlet di National Alliance (NA) y Sarah Wescot-Williams di United Democrats (UD) a solisita un reunion di character di urgencia na e comite central di parlamento pa e atake siguridad cybernetico di e compania estatal GEBE N.V na St Maarten.
Den un conferencia di prensa e compania estatal a duna di conoce cu nan a keda ataca door di e banda BlackByte.
Ransomware ta un software cu ta haci malo y cu ta menasa di publica datosnan personal of di e compania si nan no paga e montante di suma cu nan ta pidi pa debolbe e filsnan y cu e compania por rescata esaki.
Den 2021 tanto BlackByte y otro cyber pirate di Ransomware a infiltra den nivel nacional y particular den entidadnan di propiedad den tur Europa, USA y den Caribe. E obhetivo ta prinsipalmente pa drenta den companianan cu tin di haber cu infrastructura y identidad publico. Atakenan cu ta provoca scarsedad di gasoline den sur di Merca.
E reunion cu a ser pidi lo permiti pa e parlamentarionan di St Maarten y e publico general haya informacion y comprencion no solamente pa e atake cu GEBE NV a ricibi, pero tambe e otro atakenan di siguridad cybernetico cu e Pais y identidad publico den mundo ta hayando.
Parlamento di St Maarten lo ricibi un presentacion di Sr, Roy Richardson cu ta director ehecutivo (CEO) di Aurora Info Tech LLC cu ta un compania cu ta back up sistema di siguridad cybernetico (TI) di Orlando. Richardson cu ta di St maarten ta un di e fundador di CaribServe.net cu ta un di e prome servicionan di internet di St Maarten y e ta Vice Presidente y CTO (director technico ) di Aura Info Tech LLC.
Segun Richardson no ta prome biaha cu St Maarten a keda ataca pa ransomware y cu e atakenan a keda aumenta den e ultimo 5 añanan. E parlamentarionan tambe a señala cu actualmente St Maarten ta hacienda diferente cambio y nan ta bay den e direccion di digitalisacion na tur e servicionan publico di gobierno. Den esaki ta inclui exploracion di technologia Blokchain y Criptomoneda unda cu lo haci pa fortalece y sigura e infrastructura di TIC di Pais St Maarten, ta un paso fundamental pa prepara e Pais pa un futuro digital.
