Prestashon mensual di turismo na Boneiru – Resultado preliminar
Tourism Corporation Bonaire (TCB) ta notifiká ku na luna di yanüari 2023 Boneiru a yama bon biní na en total 16.285 bishitante stayover. Nan a registrá mas ku 10% mas bishitante stayover kompará ku yanüari 2019. E dos merkadonan mas grandi di Boneiru a mustra señal di kresementu. En total tabatin 8383 bishitante stayover hulandes (51%) i 3938 bishitante stayover merikano (24%). E bishitantenan stayover hulandes tabata prinsipalmente prosedente di e parti sùit i nort di Hulanda. Mayoria di e bishitantenan stayover merikano a bini for di e siguiente 8 estadonan: Florida, New York, Pennsylvania, Wisconsin, Californië, Massachusetts, Michigan i Minnesota. Mas aleu 1428 (o sea 8%) bishitante a bini for di nos isla besiña Kòrsou.
Na luna di yanüari Boneiru a risibí 533 bishitante stayover kanades, loke a hasi Canada e di kuater merkado di nos isla ku a presta mas mihó.
Un kantidat di merkado sekundario, entre otro Alemania, Aruba, Bélgika, Fransia, Suisa i Colombia den luna di yanüari 2023 a mantené e mesun partisipashon den merkado ku den luna di desèmber 2022.
Kontinuamente TCB ta evaluá nos industria di turismo pa medio di kontrolá e indikadónan di prestashon mas importante i kompará esakinan ku e situashon di promé ku e pandemia. Komo un di e añanan mas eksitoso pa Boneiru, awor akí aña 2019 ta sirbi komo un barometer ku kua ta midi turismo na nos isla.
Bishitantenan for di Merka a keda un promedio di 7 anochi i bishitantenan for di Hulanda a keda un promedio di 14 anochi. Mas aleu mayoria merikano ta di edat mediano (55+), miéntras mayoria hulandes ta mas yòng (45+).
Na luna di desèmber 2022 30 barku krusero a bishitá Boneiru ku en total 73.952 pasahero.
Por haña e último aktualisashonnan pa e temporada di krusero binidero riba e wèpsait www.bonaire.portcall.com.
Bishitá www.bonsireisland.com òf tuma kontakto ku nos via info@bonaireisland.com pa mas detaye i estadístika.