E MOU ta enserá un akuerdo di “Hermanamiento” ku ta kubri koperashon, kolaborashon i apoyo tèkniko den e área di interkambio Komersial, Turismo,Transporte y Sektor di Energia Alternativo. Ta bai forma gruponan di trabou huntu ku e entidatnan di La Guajira i Riohacha pa duna kontenido na e MOU.
Durante e ultimo añanan Gobiernu di Kòrsou a realisá algun bishita na Riohacha,La Guajira,kual a resultá den diferente akuerdonan sólido di koperashon i kolaborashon entre e paisnan.
Mirando esaki, ta importante pa sigui fortalesé akuerdonan ku ya a keda establesé i sera akuerdonan nobo kaminda e oportunidat pa esaki presentá.
Colombia ta un partner di komèrsio sumamente atraktivo pa Kòrsou.
Esaki,mirando ku tantu Kòrsou komo Colombia,den e kaso di Riohacha tin un pasado kompartí i sin lubidá e echo ku no tin barera di idioma entre e dos paisnan.
Ku firma di e MOU aki, Kòrsou y Colombia ta bai pa e era nobo di koperashon mutuo.
