Eleccion na Hulanda a papia hopi di loke e residentenan Hulandes kier pa nan Pais. Hulanda kier Hulanda bek y a papia fuerte y a apoya Geert Wilders pa su defensa pa su PAIS y ta contra di ilegalidad y migracion di personanan cu ta bin probecha di e Pais su leynan y proteccion cu nan tin pa nan hendenan debi cu na nan Pais no tin gobierno stabiel cu ta percura pa nan hendenan y ta bula bin Hulanda y pidi tur clase di exigencia y derecho.
Awe un biaha mas ta mira e mes un movecion di e pueblo Dominicano unda cu na Sto Domingo a papia e mes un lenga cu e comunidad Hulandes den eleccion, e candidato Luis Abinader cu a core su campana na proteccion di su PAIS y cu lo traha un muraya pa evita e entradanan di mas Haitiano na e frontera y lo combati ilegalidad a manda e mensahe fuerte pa migrantenan y ilegalnan cu ta drenta St Domingo principalmente for di Haiti. E ciudadanonan di St Domingo atrabes di nan voto a papia bon cla cu nan kier na Pais bek.
Si mester sigui e desaroyo di eleccion di Merca , esaki ta canando den e mes un rumbo unda cu ciudadanonan di nan PAIS kier nan PAIS bek y cada migrante pa bolbe nan PAIS y percura pa hiba nan PAIS padilanti. Esaki Donald Trump a indica fuertemente y dia pa dia ta birando mas popular na Merca y te na unda ta reta e presidente actual Joe Biden pa un debate publico.
Sinembargo na Aruba nos ta mira un otro practica cu ta tumando luga cu ta un peliger a largo plaso pa Aruba, pero sinembargo eleccion ta den porta ey mes y e pueblo Arubano tambe lo tin su pen den su man pa dicidi pa nan dushi Aruba mirando cu nos ta drentando e aña di eleccion.
Pa loke ta trata e eleccion na Sto Domingo, cu 38% scrutado, Abinader ta lidera e eleccionnan presidencial Dominicano cu (59,2%), sigui pa Fernández (26,9%)
Despues di cera e colegionan electoral na Republica Dominicana (21 GMT) di e diadomingo 19 di mei 2024 , e conteo a avansa y, cu 38% scrutado, e mandatario y aspirante na reeleccion, Luis Abinader, ta lidera e votacion, cu 59,24% di voto den e comienso presidencial, sigui pa exmandatario Leonel Fernández (26,9), segun dato preliminar.
Republica Dominicana a vota ayera cu presidente Luis Abinader prepara pa un reeleccion confortabel danki na e apoyo generalisa na su postura duro riba migracion y ilegalidad riba e PAIS for di PAIS bisiña Haiti.
E Mandatario Luis Abinader ta lidera e eleccion presidencial, manera e encuestanan a prevé. Dominicanonan a scoge e presidente di e pais for di entre nuebe candidato. E eleccionnan a tuma luga normalmente den practicamente henter e pais, aunke e oposicion a denuncia iregularidad nan
Abinader tin 59,24% di e votonan, mientras cu Fernández tin 26,97%. Si niun candidato haña mas cu 50% di e votonan, lo tuma luga un di dos buelta riba 30 di juni.
Segun e Organisacion di Estadonan Americano (OEA), cu su mision di observacion ta encabesa pa ex presidente chileno Eduardo Frei, despues di e cera e urnanan a cuminsa cu e cuenta di voto.
E eleccionnan a bay normal practicamente den henter e pais, aunke e oposicion a denuncia iregularidad nan, manera e supuesto compra di cedula, e documento indispensabel pa vota.
Dirigentenan di e partido progresista Partido di Liberacion Dominicano (e prome di e oposicion) y di e Forsa di Pueblo (tambe progresista) a denuncia e supuesto compra nan di cedula y e existencia di boleta electoral cu ya tabata marca na fabor di un candidato ora e votante tabata yegando e urnan.
E encuesta nan di mas credibilidad ta proyecta e victoria di Abinader den e prome buelta y ta preveni cu su organisacion, Partido Revolucionario Dominicano (PRM), lo obtene mayoria di e asientonan di Congreso Nacional.
Mas di 8,1 miyon di ciudadano a wordo yama na e urnan (di nan mas di 800.000 den exterior) pa eligi e presidente di e pais, e vicepresidente y e miembronan di e Congreso bicameral (32 senador y 190 diputado), como tambe 20 representante Dominicano den e Parlamento Centroamericano.
