Rangernan di STINAPA a traha tur dia pa vigila y traha un plan pa lokalisá e rèptil den diferente áreanan den Mangrove. Esáki ta un situashon nobo kaminda ta siñando hopi kos rond di henter e proseso. A eksperimentá ku vários métodonan pa por logra nos meta di kapturá e animal. A lokalisá e animal tres biaha i sa ku ta serka. Ku nos reda, dron, boto, kayak i vigilansianan visual, a traha pa kapturá e animal rapido i di un manera ku ta seif pa Rangernan di STINAPA i e animal mes tambe.
No tabata dianan facil paso e rangernan di STINAPA tabata traha di dia y anochi pa captura e reptil. Area di sorobon a keda cera pa siguridad, pero despues a keda habri pa propio risico mientras di rangernan di STINAPA tabata traha. Awe por bisa Boneiro ta liber di e reptil cu a trece hopi insiguridad pa landadonan cu ta gusta e awanan di Boneiro.
Un danki ta bai na Gobièrnu di Boneiru pa ku nan ròl komo un partner importante durante e búskeda akí i pa tene públiko informá.
