Representante di fundacion Orguyo sra.Lidiene Kan Croes a hiba palabra riba e anochi cu a cende e luznan Rainbow riba edificio di bestuurskantoor y ta hopi orguyoso di ta forma parti di iluminacion di Rainbow riba cas di gobernacion , esaki ta simbolo cu e grupo di LGBTQ+ ta forma parti di counidad di Aruba.
Segun Representante di fundacion Orguyo sra.Lidiene Kan Croes e comunidad di LGBTQ+ merece nan luga digno manera un ciudadano di Aruba cu derechonan igual. Fundacion Orguyo ta gradici esunnan presente di gobierno cu si a para y honra e peticion di fundacion orguyo pa ilumina bestuurskantoor . E comunidad di LGBTQ+ ta confronta hopi desafio y hasta riba e anochi di iluminacion algun miembro den comunidad cu ta pertenece na e grupo di LGBTQ+ no por ta presente debi cu tin dificultad pa asisti na e ceremonia mirando e decision di a haba e decision casacion y tambe pa loke ta trata e decision di parlamento di Aruba.
Sinembargo fundacion Orguyo ta compronde e sentimentonan mixto cu tin den nos comunidad. Sinembargo ta para dilanti di bestuurskantoor cara na laira cu honor na nos mes y nos comunidad pa sigui cu e lucha aunke ki obstaculo lo encontra den caminda. Sgeun Representante di fundacion Orguyo sra.Lidiene Kan Croes nos tur tin un ruman , un yiu, primo, un colega, un bisiña of un amigo cu ta pertenece na e comunidad LGBTQ+.
Representante di fundacion Orguyo sra.Lidiene Kan Croes ta manda un mensahe pa LGBTQ+ cu ta bisa : Bo existencia ta valioso, bo amor ta bunita y bo derecho ta bal pa lucha pe. Apesar di e desafionan ta sigui wak progreso. Tur victoria chikito ta hiba nos mas cerca na e igualdad completo cu nos merece. Representante di fundacion Orguyo sra.Lidiene Kan Croes ta kere ta importante pa laga e momento aki dilanti di bestuurskantoor stimula nos aunke con poco poco e cambionan mester tuma luga e ta inevitabel. Nos voz colectivo ta poderoso y hunto lo sigui pusha pa e reconocimento y derecho cu cada serhumano ta marece.
