“No tin un solucion one size fits all”
E Organisacion Temporal (TWO), parti di Ministerio di Interior y Relacion di Reino, a publica un Relato Anual pa aña 2022 cu tema Reforsando Hunto di manera duradero. E relato anual ta duna e lesado un bista di e cooperacion entre TWO, Ministerionan Hulandes y e paisnan den implementacion di e Landspakketnan. No obstante momento di publicacion, TWO no a kier perde e oportunidad pa mustra publico di Aruba, Corsou y Sint-Maarten e desaroyonan positivo for di e Landspakketnan di e aña anterior. “2022 tabata e aña den cua e cooperacion entre TWO y nos partnernan na e paisnan a cristalisa, basa riba posesion, igualdad y comunidad”, Judith Jeurissen ta refleha, Manager di Programa di TWO den e prologo.
Relato Anual 2022 Organisacion di Trabou Temporario:
Reforsando Hunto di manera duradero “No tin un solucion one size fits all” Den Haag – E Organisacion Temporal (TWO), parti di Ministerio di Interior y Relacion di Reino, a publica un Relato Anual pa aña 2022 cu tema Reforsando Hunto di manera duradero. E relato anual ta duna e lesado un bista di e cooperacion entre TWO, Ministerionan Hulandes y e paisnan den implementacion di e Landspakketnan. No obstante momento di publicacion, TWO no a kier perde e oportunidad pa mustra publico di Aruba, Corsou y Sint-Maarten e desaroyonan positivo for di e Landspakketnan di e aña anterior. “2022 tabata e aña den cua e cooperacion entre TWO y nos partnernan na e paisnan a cristalisa, basa riba posesion, igualdad y comunidad”, Judith Jeurissen ta refleha, Manager di Programa di TWO den e prologo.
Colega ta conta nos: ken mi ta den TWO?
E lector ta introduci na algun di colega di TWO cu ta papia tocante nan posicion y motivacion pa scohe e organisacion aki. “Mi kier contribui na desaroyo di e pais di un manera constructivo”, un colega ta describi. Esaki tambe ta e liña cora di e tres otro coleganan: e deseo pa contribui na e pais unda nan ta biba, ta bini for di dje, of tin conexion cu ne.
Strategia y cooperacion entre ministerio
Den e relato anual, TWO ta splica con nan a crea e programa y a crea e Paketenan di Pais. A discuti tambe e enfoke riba strategia pa logra resultado a largo plaso. Tabata cla for di un etapa inicial cu no tin un solucion cu ta bon pa tur hende. E retonan ta un tiki diferente pa cada pais of un solucion ta traha miho cu otro, no tin ‘one size fits all’. Nan ta wak bek tambe na les di pasado pa logra resultado duradero.
Pa duna sosten na e paisnan den nan reformanan, TWO ta coopera cu otro ministerio Hulandes. E ministerionan aki ta proporciona conocemento substancial tocante e diferente topiconan y ta traha hunto cu e ministerionan den e paisnan riba e pasonan necesario pa logra e reformanan desea. Representante di Ministerio Datum 2 oktober 2023 Hulandes di Asunto Social y Labor y Inspeccion di Enseñansa ta papia tocante nan experencianan den e tres paisnan. Sinti cu e paisnan y principalmente no compara cu norma Hulandes ta masha importante.
E paisnan
E trabou cu TWO ta haci lo no nifica nada si nan no ta traha hunto cu nan partnernan na Aruba, Corsou, y Sint-Maarten. For di Aruba, empleado di TWO Hulanda y TWO Aruba ta papia tocante nan colaboracion: “Nos ta traha duro riba contenido, pero e relacion ta masha importante”. Tambe tin un entrevista tocante set up di un Sistema Estadistico Nacional na Aruba. Cu esaki, Aruba ta traha riba maneho di decision funda entre otro riba desaroyo economico a base di hecho real.
Na Corsou, ta conta den un entrevista tocante e proceso di consolidacion di texto legal. Den e proyecto aki, texto legal for di tempo di Antia Hulandes y tur cambio haci despues di 10-10-10 ta incorpora den un solo texto. Esaki ta importante pasobra ley y regulacion vigente mester ta cla y transparente pa tur hende. Tambe lo presta atencion na e proyecto di mantencion atrasa di scol pa cua Hulanda a pone 30 miyon euro disponibel.
Den e capitulo tocante e reformanan na Sint Maarten, ta presta atencion na e medidanan tuma pa stimula empresarialismo y reduci e obstaculonan pa empresario. Tin tambe un articulo tocante e modernisacion di Servicio di Belasting y Duana. Den e cuadro aki, Hulanda a pone disponibel 15 miyon euro. E partinan mas importante di e modernisacion di Servicio di Belasting y Duana ta destina pa mehora e relacion cu e cliente, e cliente, y pa renoba e procesonan di trabou.
Perspectiva Finansiero
Finalmente, ta mustra e perspectiva financiero. Asina e lector por mira cu TWO a gasta 14.2 miyon euro na 2022 pa implementacion di e Landspakketnan. Na 2021, esaki a suma na 10.55 miyon euro. Esaki ta inclui tanto financiamento di proyecto (programa), como gasto pa empleado di TWO, otro departamento Hulandes y experto cu nan a contrata pa sostene e paisnan den proyecto specifico (instrumento).
A gasta un total di 8.6 miyon euro na 2022 pa sostene y implementa programa y proyecto di e Landspakketnan. Esaki ta inclui tanto subsidio directo na gobierno di Aruba, Corsou y Sint-Maarten como experticio cu Hulanda a contrata pa sostene e paisnan. Fuera di e presupuesto pa implementacion di e Landspakketnan, 41.9 miyon euro di presupuesto destina a wordo gasta na 2022 pa un cantidad di proyecto ‘special’ manera e proyecto di mantencion atrasa na Corsou y e modernisacion di Servicio di Belasting y Duana na Sint-Maarten.
Lesa e Relato Anual 2022 Reforsando Hunto di manera duradero riba www.two-
acs.com.
