KRALENDIJK, Bonaire
Tur hende ku dia 1 di yanüari 2020 tabatin un òf mas vehíkulo di motor, na kuminsamentu di e aña aki a risibí un anslag di impuesto di vehíkulo di motor. Bo por a paga e impuesto aki den 2 parti. E di dos parti aki bo tin ku paga pa mas tardá dia 30 di yüni 2020.
Kon bo por paga?
Bo por paga via internèt òf na lokèt di bo banko. Menshoná bo referensia di pago aserka. E referensia di pago aki ta den bo karta di deklarashon di impuesto. Warda bo komprobante di pago komo prueba ku bo a paga. Por ehèmpel den bo outo òf bo motosaikel. Bo ta kòrda tambe pa sigurá bo outo òf motosaikel? Esaki ta obligatorio.
Bo no a haña anslag di impuesto di vehíkulo di motor?
Bo tin un outo òf un motosaikel i den luna di yanüari 2020 bo no a haña un karta di anslag? E ora ei pasa buska bo anslag na departamento di Finansa di Entidat Públiko Boneiru (OLB) na Bulevar J.A. Abraham 17.
Mèldu nos ora tin kambio!
Tin algu a kambia na bo number di outo òf na bo plachi di number? Por ehèmpel bo ta entregá bo plachi di number bèk serka nos? Òf bo ta bende bo outo? E ora ei mèldu esaki mesora na departamento di Finansa di Entidat Públiko Boneiru. Di ningun manera nos no ta responsabel pa e konsekuensianan si bo no mèldu e kambionan aki na tempu. Bo ta entregá un plachi bèk serka nos òf bo ta bende un outo òf motosaikel? E ora ei for di e momentu ei bo no tin mester di paga impuesto di vehíkulo di motor mas pa e vehíkulo di motor (outo) ei.
Den e skema aki bou bo por mira kuantu bo tin ku paga. Wak e tipo di kombustibel i e lèter riba bo plachi di number.