Un caso di hincamento serio a tuma luga na Sint Maarten lagando un reina di beyeza seriamente herida. Aparentemente e mucha muhe kende ta pareha of ex pareha a bini for di Hulanda diasabra y e homber a secuestr’e, a hink’e y lague su so atrás. El a logra lastra y yega hospital.
Diadomingo a cuminsa circula e informacion cu e reina di beyesa Estika Halley a wordo seriamente herida den oranan di mainta. E incidente a tuma luga den oranan tempran di mainta ora cu e criminal a hinca e mucha muhe jong y a lague atras cerca di Emeral Funeral Home na Cay Hill. Polis ta investigando e sucedido.
Polis mes a saca un comunicado cu ta bisa lo siguiente: Polis ta investigando un incidente serio unda cu un victima femenino a wordo seriamente herida cu un arma, y a yega na den e area di Centro Medico. E victima a sufri lesionnan severo na diferente parti di su curpa y mester a oper’e di inmediato.
Mas detayes di e incidente aki lo wordo suministra despues. E victima ta den situacion serio pero stabiel.
Riba rednan social tambe a circula un potret di e homber, kende supuestamente tabata cu ne na momento di e sucedido. Polis ta en busca di e homber riba e potret pa mas detayes di e sucedido.
