Mester registrá yu(nan) di forma digital (online). Durante e último añanan mester a mèldu tur mucha ku kumpli 4 aña i mester bai skol básiko pa promé biaha na OLB (enseñansa obligatorio).
Ku gustu nos ke pone bo(so) na altura ku esaki a kambia, for di awor mester registrá e yu di forma digital (online) riba e página www.aanmeldenbasisonderwijsbonaire.com.
Mester registrá muchanan ku ta bai skol pa promé biaha den e aña eskolar 2021-2022 promé ku 1 di aprel 2021 pa skol básiko.
Registrashon riba www.aanmeldenbasisonderwijsbonaire.com ta obligatorio pa tur mucha ku a nase entre 1 di yüni 2017 i 31 di mei 2018.
Riba e wèpsait bo ta haña tur informashon nesesario pa por registrá e yu na e manera korekto. E wèpsait ta disponibel den e siguiente idiomanan: Hulandes, Papiamentu, Spañó i Ingles.
Pues por fabor sòru pa bo yu ta registrá promé ku 1 di aprel 2021. Registrá na tempu, e chèns ta mas grandi ku lo ta bai tin mas kupo na e skolnan di bo preferensia.
