Asina a informa e canciyer Cubano, Bruno RodrIguez Parrilla, kende a atribui e hecho na un individuo cu a lansa dos cocktail molotov contra e edificio. E regimen Cubano a denuncia den e anochi di diadomingo e realisacion di un presunto atentado contra e sede di su Embahada na Washington.
Asina a informa den su cuenta na X e canciller Cubano, Bruno RodrIguez Parrilla, kende a atribui e hecho na un individuo cu a lansa dos cocktail molotov contra e edificio.
E titular di Ministerio di Relacionnan Exterior (MINREX) a indica cu ningun hende a resulta herida den e incidente.
E anochi di awe, 24 di september, e Embahada di Cuba na Merca tabata obheto di un atake terorista di un individuo cu a lansa 2 cocktail molotov. No tabatin daño na personal. E detayenan ta ser precisa”, RodrIguez Parrilla a bisa. Na momento di redacta e nota aki, no tin un declaracion oficial di autoridadnan Mericano, ni e regimen Cubano a divulga imagennan di cameranan di siguridad cu a capta e presunto atentado.
Esaki ta e di dos atake violento contra e sede diplomatico na Washington desde april 2020. Na e ocasion ey, un individuo a tira cu un rifle di asalto contra e sede, segun e canciller di e regimen Cubano. Den un alusion velada na e responsabilidad nan di proteccion di e pais anfitrion di e legashon diplomatico, RodrIguez Parrilla a afirma cu e gruponan anti-cubano ta acudi na terorismo ora nan ta sinti impunidad, algo cu Cuba a alerta autoridadnan Mericano reiteradamente .
Segun prensa oficialista Cubano, despues di e lamentabel incidente, comunidad internacional ya a cuminsa denuncia e hecho y a expresa su solidaridad cu e pueblo Cubano .
Sinembargo, e reaccionnan den rednan social di sociedad civil Cubano ta mustra mayoria escepticismo y descrecion pa e informacion ofrece pa Havana, y hopi ta yega na opina cu por trata di un auto atentado perpetra pa e propio regimen pa impulsa su agenda politico na cara di comunidad internacional.
E atentado a sosode husto ora cu e delegacion encabezado pa e gobernante Miguel Diaz-Canel tabata bandona teritorio Mericano, despues di un siman intenso di eventonan dilanti e Organisacion di Nacionnan Uni (ONU) y cu simpatisantenan di e regimen na New York: un agenda cu a provoca e rechasa di activista Cubano cu a manifesta dilanti e Mision Permanente di Cuba.
E atentado di 2020
Na fin di april 2020, un homber a ser aresta despues di tira varios biaha cu un rifle di asalto na e Embahada di Cuba na Merca. E tiroteo a sosode na mas o menos 2:10 di mainta banda di Embahada, na 2600 y 16th Street NW, na nortwest di e ciudad. Polis di e area a yega e sitio ora cu a tende e prome tironan y den algun minuut a detene e sospechoso, segun e reporte di Polis Metropolitano di Washington DC manda na CiberCuba.
Aunke den e informacion preliminar autoridadnan no a identifica e sospechoso, e comunicado policial a indica cu e presunto agresor ta Alexander Alazo Baró, 42 aña, residente na Aubrey, Texas.
“E sospechoso a keda detene mesora sin incidente adicional y e arma a keda recupera. Servicio Secreto a proceda na e detencion y ta sigui cu e investigacion di e caso”, portavoz di polis Brianna Jordan a bisa na CiberCuba.
Alazo Baró a hasi 32 tiro cu un fusil AK-47 contra e sede diplomatico Cubano prome cu el a lansa e arma contra entrada di e edificio. Ora agentenan di Polis Metropolitano di Washington y Servicio Secreto a proceda pa aresta e, e tabata envolvi den un bandera Mericano.
Dos aña despues, na april di 2022, e cubano a sigui tras di e rejas den medio di un proceso judicial dilatado den cual tabata debate su competencia mental pa enfrenta e proceso contra dje y evalua e acuerdo di culpabilidad ofreci pa gobierno di Merca.
E tema di e evaluacion mental di Alazo Baró tabata obheto di consideracion y maniobra legal largo di parti di fiscal y defensa, y a constitui e principal obstaculo pa avansa e caso pa un solucion final.
