Universidad di Aruba a honra 13 studiante y 3 organisacion estudiantiel
cu a sobresali den nan tesis conhuntamente cu e embahadornan di UA.
E intencion di anochi aki tabata pa nos para keto un rato y honra nos studiantenan cu a sobresali den
nan estudio. Nan a duna un discurso di nan tesis. Mas informacion di e tesisnan por haya riba nos
website.
Fuera di esey nos a honra nos studiantenan cu a demonstra un actitud profesional y ta lider den nos
comunidad, y cu ta yuda otro studiante y cu tambe ta un ehempel pa otro studiante y tambe pa nos
comunidad en general. Adhunto un relato di cada persona. Nos ta haci esaki pasobra nos ta kere cu ta
importante pa splica pakico nan ta merece e premio aki. Danki na tur nos sponsornan SETAR y
Gianni’sGroup, cu a haci esaki posibel y tambe henter staf y personal cu a percura pa un ambiente bunita
y ameno.
Studiantenan Embahador ta desempeña un papel vital den nos comunidad. Nan ta representa UA cerca
futuro studiante y nan famia, nan ta guia di tour di campus y di evento na universidad, y nan ta sirbi como
mentor di nan compañenan. Nan ta tambe activamente involucra den investigacion y proyecto di servicio
na comunidad.
SISSTEM
Kevin A. Orozco Mendoza a demostra un crecemento remarcabel como un pensado independiente,
pushando continuamente e limitenan di su conocemento y demostrando curiosidad genuino den su
estudio. Su envolvimento voluntario den e actividadnan di e departamento, hasta sin titulo oficial, ta
ilustra su dedicacion y disponibilidad pa contribui na comunidad. Kevin su madurez y acercamento di su
estudio ta distinguie como un ehempel dentro di e programa. Su sosten inkebrantabel, crecemento den
mentalidad, y su actitud positivo ta haci di dje un candidato pa e reconocemento aki, cu ta personifica e
esencia propio di e espirito academico cu enfoke riba comunidad.
ACADEMIC FOUNDATION YEAR (AFY)
Lindsey L. Zimmerman tabata un studiante masha activo, como representante di studiante e tabata
yuda bon y tabata semper cla pa bay un stap mas leu pa yuda su colega studiantenan. Pa e personal, e
tabata di gran balor agrega, e tabata informa nos adecuadamente tocante asuntonan di studiante y nan
preocupacionnan. El a combina esaki cu resultado di estudio excelente, asina ta e ta un ehempel pa
cada studiante!
OGM
Jeanelij Quant ta OGM su studiante embahador pa 2023-2024. Jeanelij ta un studiante masha
ambicioso, creativo, y energetico. E ta un miembro di e Creativonan di Aruba y e ta combina su pasion pa
fotografia, musica, cine, y produccion pa investiga y documenta Aruba su fenomeno. Jeanelij ta
ambicioso y enormemente energetico, for di November 2022 pa December 2023 e tabata un asistente di
studiante pa e Center for Lifelong Learning (CLL). Tambe Jeanelij ta ta produciendo dos documentario
actualmente. Ya el a tuma contacto caba cu un organisacion cultural internacional pa haci su pasantia na
februari 2025.
LEY
Aaron A. Croes su aporte na e comision di formacion ta participa activamente na e dianan publico, y su
actuacion impresionante como abogado durante celebracion di Dia di Bandera ta algun di Aaron su
prestasionnan remarcabel. Asina el a demostra su capacidad pa adapta su mes na su publico. Fuera di
esey Aaron tabata un di e participantenan di e competencia di Requeer 2024, unda el a desplega e papel
di Fiscal cu masha entusiasmo. E aña aki durante vakantie di verano el a traha duro hunto cu su
compañenan di estudio na e proyecto tomonan di proceso penal y di ley penal.
FHTMS
Thaïta Schenker ta haci tur loke ta posibel pa sostene e facultad y pa motiva su compañenan di estudio
pa haci esaki tambe. E ta un berdadero embahador pa FHTMS, y nos ta berdaderamente honra cu e ta
forma parti di e facultad.
A wordo vota unanimamente pa Thaïtia Schenker como e Studiante Embahdor di e facultad di FHTMS, e
ta actualmente un Studiante mayor cu consistentemente a demostra excelencia academico y liderazgo
excepcional durante su biahe na FHTMS. Su dedicacion ta bay mas leu cu e klas, contribuindo na e
comunidad mas amplio door di su envolvimento cu casi tur evento di FHTMS y UA, unda el a hunga un
rol activo den sostene y promove e facultad. Su compromiso ta refleha mas ainda den su servicio como
presidente y vice-presidente di klas, unda e tabata un luchado pasiona pa e bon causa no solamente pa
su cohort pero tambe pa e facultad den su totalidad. Den su rol di studiante asistente di Mercadeo,
Thaïtia a demostra creatividad y iniciativa remarcabel, treciendo constantemente idea nobo na mesa cu a
mehora visibilidad di FHTMS y di UA.
Su acercamento innovativo no a solamente mehora reputacion di e programa pero a inspira su
compañenan di studio y tambe e facultad. Thaïtia su liderazgo ta caracterisa pa su actitud positivo, pa
manera habri y facil pa acerca, cariñoso, y e ta smile lihe. Su habilidad di balansa su responsabilidadnan
academico cu su responsabilidadnan extra-curicular ta un testament di su etica di trabou fuerte y su
habilidad di maneho di tempo. Mas ainda, su habilidadnan inter-personal y capacidad di colabora
efectivamente cu otro a hacie un figura respeta y di influencia dentro di e comunidad di FHTMS.
Su contribucionnan no a pasa inadverti, el a haya reconocimento tanto di e facultad como di e
studiantenan pa su dedicacion continuo y impacto. Thaïtia ta un berdadero embahador pa FTHMS,
encarnando e berdadero balornan di e facultad poniendo un standard halto pa e futuro studiantenan
sigui.
FEF
Ta un gran honor pa reconoce y celebra un individuo remarcabel awe—Edward Sanchez, un studiante
cu ta demostra liderazgo, dedicacion, y resiliencia. Eduard ta awo den su di cuater aña cu nos, y durante
su tempo cerca nos, el a demostra consistentemente kico ta nifica pa ta un berdaro lider di studiante.
Como e representante di klas Edward tabata un abogado pa su compañenan. E ta presente na casi tur
reunion di facultad, y ora e ta eynan, semper su voz ta di rasonamento, semper dirigiendo e
combersacion den direccion di bienestar di e studiantenan. Su participacion activo y su opinionnan
transparente ta refleha su compromiso profundo cu nos comunidad.
Loke ta resalta cerca Edward no ta solamente su compromiso pero tambe su positivismo. Hasta ora e ta
enfrenta retonan personal, Edward no ta falta nunca su sonrisa contagioso y su maneranan respetuoso.
E ta transmiti cu no obstante obstaculonan den bida, hende mester pusha dilanti cu determinacion y
gracia. E actitud aki a haci cu el a gana e respet di su compañenan y ta hacie un ehempel pa nos tur—un
berdadero profesional hoben den formacion. Edward, nos ta increiblemente orguyoso di bo. Sigui cu e
trabou prominente—bo ta casi na final, y nos sa cu mas logro grandi lo sigui pa bo.
SWD
Jainy Maduro ta nos embahador di studiante di e programa di Trabou Social y Desaroyo
pa aña academico 2023-2024.
Jainy a demostra cu e por ta un voz pa e programa di y a yuda promove e programa di Trabou Social y
Desaroyo den formanan unico durante e aña academico. Jainy tin un prominente prestacion academico y
comunicacion excelente, social y habilidadnan di liderasgo.
Mas ainda, e ta un studiante simpatico y semper a participa na e eventonan di Universidad di Aruba,
representando nos programa di Trabou Social y Desaroyo cu distincion. El a demostra nos cu e ta cla pa
sigui sostene nos pa empodera bida y transforma comunidadnan, nos ta asina agradicido pa esaki. Jainy,
danki pa tur e trabou cu bo ta haci! Nos ta ripara cu apenas bo ta un studiante di BA-2, asina ta nos ta
premira hopi mas representacion di bo como embahador e añanan nos dilanti. Pabien!
OIA
Emylaine D. Tromp tabata increiblemente atento y dedica na maneha e procesonan na oficina di OIA.
El a duna asistencia valioso na e intercambio di studiante cu nan cursonan y papelnan di inmigracion, y a
sostene e coordinador y e funcionario cu tareanan administrativo relaciona cu e studiantenan. Apesar cu
e tabata basta reserva na inicio, gradualmente el a adapta na intercambia cu e studiantenan y staff,
desaroyando su confiansa y capacidad social.
LIBRERIA
Kenya S. Donato ta un forsa indispensabel den nos libreria y biblioteca. Semper dispuesto pa yuda y
haya solucion, e libreria lo no a funciona manera e ta funciona sin e. E ta proactivo, e ta gusta yuda, e ta
simpatico y e ta sobresali den su trabou.
Kenya ta hopi mas cu simplemente un asistente di studiante; e ta e forsa cu ta pusha nos proyecto di
buki uza. Su experticio den e programa Excel y su capacidad pa traha eficientemente y efectivamente ta
hacie di gran balor pa UA. Es mas, e ta semper dispuesto pa siña habilidadnan nobo.
Kenya tin hopi aña cu nos, y nos ta increiblemente gradicido pa tin e den nos team. Su dedicacion y
compromiso ta hacie un empleado berdaderamente valioso, y nos no por imagina nos mes un miho
empleado pa e reconocimento di studiante aki.
E anochi aki nos tabata honra pa tin representantenan di nos apreciado Sports Teams y CK1Service
Club ta join us. E organisacionnan aki ta tin un rol vital pa fomenta e bienestar social di nos studiantenan
y percura pa oportunidad di desaroyo di liderasgo y servicio na comunidad.
E Studiantenan Embahador ta e cara di nos Universidad, representando nos balornan y promoviendo un
imagen positivo. Nan ta sirbi di mentor, guia, y ehempel pa nan compañenan, percurando pa un sentido
di conexion y comunidad. Nan trabou duro y dedicacion a contribui na e exito di nos universidad na un
sin fin di manera.
Master program Governance & Leadership
Dahariana Everts
Dahariana, un bui di inspiracion, a laga un marca indiscutibel riba Universidad di Aruba. For di su prome
dianan como studiante te awo den su rolnan actual como profesor y full-time empleado, el a demostra un
dedicacion consistentemente excepcional y e pasion pa haci e diferencia. Su biahe no tabata sin reto,
pero Dahariana a enfrenta nan cu un resiliencia determina y un bista positivo. Su capacidad pa balansa
su bida personal y profesional, incluiendo su futuro maternidad, ta un testament di su forsa y
determinacion. Ta imposibel midi Dahariana su contribucionnan na e comunidad di Universidad. E tabata
e forsa tras di e iniciativanan pa alcance publico, inspirando su compañe- y coleganan cu su entusiasmo
y dedicacion. Su legado lo sigui inspira futuro generacionnan. Nos ta celebra Dahariana su logronan y
nos ta dese exito continuo den tur su esfuersonan
E anochi aki nos tabata honra pa tin representantenan di nos apreciado Teamnan di Deporte y Delta Leo
Club y CK1 Club di Servicio ta join us. E organisacionnan aki tin un papel vital den fomenta e bienestar di
nos studiantenan y percura pa oportunidad di desaroyo, di liderasgo y servicio na comunidad.
E Studiantenan Embahador ta e cara di nos Universidad, representando nos balornan y promoviendo un
imagen positivo. Nan ta sirbi di mentor, guia, y ehempel pa nan compañenan, percurando pa un sentido
di conexion y comunidad. Nan trabou duro y dedicacion a contribui na e exito di nos universidad na un
sin fin di manera. Pabien na tur Studiante Embahador
