Diamars ultimo den careda di 4:30 di atardi riba e ruta di Pos Abao na Bushiri a tuma luga un hit & run. Un Prado Tx-162 a haya su mes den un situacion fastioso na momento cu e la yega e rotondo Bushiri-Watty Vos.
Na momento cu e taxi a para na e rotondo diripiente e la sinti un zonido duro su tras y a bin mira cu un Lexus Rhd color shinishi cla a dal su tras , pero e no a para y a reverse su auto bay direccion noord y hera ocasiona un otro accidente. E taxi a dicidi di sigui e lexus A-75906 na momento cu e auto a lora pa bay noord y diripiente a bira links direccion bushiri y debi cu tabata trata di yama polis na telefon no por a core duro y a perde e lexus for di bista banda di banjolux. Sinembargo e number di e auto ta conoci pa polis y tin varios grabacion di e lexus A-75906. Ta haci un apelacion pa e propietario presenta na warda di polis pa atende cu e situacion aki.
Tambe un apelacion ta bay na comunidad di Aruba esunnan cu por a mira e accidente aki pasa y of esnan cu conoce e personanan cu ta core e lexus aki por duna un tip na polis A. Solarte Tovar na cel 5975191 di Trafico of na 5852500 bureau Verkeerszaken & onderzoeken. E caso ta den investigacion y Tx-162 lo tin un recompensa di oro si bo por yuda polis haya e datonan di e propietarionan di e auto aki, cu a ocasiona accidente y core bay sin para pa si responsabilidad di loke cu e la ocasiona.
