Manera ta conoci, e situacion di covid-19 y tur medidanan cu a wordo tuma door di Gobierno di Aruba a haci cu no tabata posibel pa organisa actividadnan di fundraising den e manera usual cu Rotary Club Aruba ta custumbra cu ne. Door di esaki Rotary Club Aruba mester a cancela Fiesta Rotaria di 2020 y 2021. Apesar di esaki Rotary Club Aruba ta keda haci tur loke ta posibel pa sigui duna un man na diferente instancianan den nos comunidad.
Recientemente e directiva di Rotary Club Aruba a haci donacion di total di AWG 159.000 cual a wordo reparti bao di diferente instancianan.
Fundacion Centro pa nos Grandinan, mihor conoci como Club Kibrahacha 60+ ta un di e instacnianan cu a ricibi un donacion. Tambe a haci donacion na YMCA. E otro instancianan cu a ricibi un donacion di Rotary Club Aruba ta: Stichting Edmund Harms Foundation, Stichting Social Funds Colegio Arubano, Stichting Reclassering & Jeugd Bescherming, Koningin Wilhelmina Fonds, Stichting Ateliers ’89, Stichting Micky’s Foundation, Stichting Clown Doctors Aruba, Stichting Ambiente Feliz, Aruba Demolay Chapter No.1, Aruba Rainbow Girls Chapter No.1 y Arubaanse Padvinders Gilde.
Presidente Geert Rep ta commenta cu “den e momementonan dificil cu nos isla ta pasando aden ta importante pa por brinda e ayudo aki na instancianan cu mas mester di dje pa asina yuda nos comunidad surpasa e retonan aki positivamente.”
Presidente Geert den nomber di Rotary Club Aruba, kier a gradici pueblo di Aruba y nos colaboradornan pa e sosten continuo, hasta den momentonan mas dificil. Esaki realmente ta demostra e confiansa cu comunidad tin den nos organisacion y ta duna tur miembro e energia pa sigui hasi e trabou aki.
