Aruba tin mester un generacion nobo den politica, esaki ta un berdad. Sinembargo mirando e desaroyonan politico cu ta tumando luga unda ta bende nan alma pa poder ta algo cu comunidad di Aruba ta cuestiona.
Te ainda ni lider di RAIZ y partido di dos cabes FUTURO no a Sali afo bisa e pacto di bloke como partido nan chikito a uni. Na varios ocasion media ta puntra tanto lider di RAIZ Ursel Arends y e di dos lider di FUTURO Geoffrey Wever di su salida di RAIZ , y su sosten di RAIZ pa keda como minister di RAIZ den minister raad. Unda realmente e dignidad humano e escrupulo di hende a keda ? .
E excuus cu ta ser duna cu kier hala e punto aki un banda y sigui mira padilanti NO TA UN CONTESTA! y no KIER papia di dje. DICON realmente ? Politiconan no mester lubida cu un politico ta un figura publico y cada movecion pueblo kier sa pa por tin confiansa den e politico y pa por tin un bista si por confie cu su voto.
Loke a pasa y ta pasando e ciudadano por confia e politiconan di RAIZ y FUTURO ?
Aki por mira cu generacion nobo den politica no tin respet y etica pa e pueblo di Aruba solamente kier poder. E minister demisionario ta bisti diferente pechi y cu su cara laba ta bishita diferente departamentonan ? Ken e ta? carna of pisca ? RAIZ of FUTURO realmente, dos mix den otro un DUAL di dos cabes of mas cu tres cabes?
Un desaroyo politico mahos , no etico y un berguensa pa politica di Aruba. E pregunta ta keda , por confia politiconan asina ? por confia e politico di generacion nobo sin cu drenta proceso di partido y sa kico ta regla y etica di politica ? Con por vota pa politiconan cu ta sconde e carta oficial-nofake pero oficial di salida di Geoffrey Wever for di RAIZ.
Na Aruba e unico dos partidonan cu ta construi politiconan exitoso ta partido MEP y AVP, pero no ta asina zomaar ta drenta y haya number ariba y bira minister, pero tin un proceso di enseñansa di e grandi nan,di studia y pasa un proceso di algun aña den partido prome cu por sinta riba e stoel como minister y hasta parlamentario. E enseñansa aki lamentablemente nos no ta mire mas na Aruba. Dicon?
Si mester mira e structura cu Hulanda tin pa bo forma parti di un partido y pa bo drenta den Tweede Kamer y hasta bira minister, awe e prome cabes di lider di FUTURO Gerlien Croes hamas lo ta un parlamentario, Geoffrey Wever cu awe ta minister demisionario cu no sa si e ta pisca of carni hamas por ta minister y Minister demisionario Ursell Arends saliendo di loket di hotel pa minister hamas lo por ta minister awe. Pero dicon e ta ser permiti na Aruba?
Awo e pregunta ta keda nos sistema pa tin mandatarionan y parlamentarionan cu pasion y traha pa Aruba y no traha pa comercio y poder, ta existi na Aruba? Aruba ta e punto principal realmente di tipo di politiconan di generacionnan nobo awendia ?
E voto di e ciudadano ta importante, vota consciente