DEN HAAG, Hulanda
Secretario di Estado Raymond Knops den su contesta na Tweede Kamer riba e entidad nobo CHE cu ta bay monitorea e ayudo financiero na e islanan, tambe a papia di su bishita na e isla di Boneiro.
Un bishita cu a tuma luga for di 30 di augustus pa prome di september. E mandatario a bay mira progreso di e acuerdo di Gobernacion, e efectonan di e crisis di Covid-19 (medicamente y economicamente) y desaroyonan riba tereno di turismo.
Analisando su encuentro cu Bestuurscollege, e ta bisa cu aunke tin Adelanto, manera riba tereno di di Vivienda social y agricultura, cria y pesca, tin algun tardansa den acuerdo di Gobernacion. Asina mes e ta keda optimista riba e posibilidadnan di acuerdo di gobernacion, pero no ta contento cu e tempo cu ta tuma pa ehecuta esaki.
Mester yega na e personal di apoyo necesario den ambtenarij, manera yena e funcionnan di Eilandsecretaris y otro posicionnan clave cu ta escencal pa reforsa e aparato gubernamental.
Riba e control financiero tambe e ta bisa cu esaki no ta suficiente y mester ta mas fuerte aki den. A palabra cu Bestuurcollege riba un Plan pa logra yega na un declaracion di accountant di cuentanan di Gobierno. E CFT pa e islanan BES mester informe regularmente riba esaki.
Loke tambe el a ilustra ta cu apesar cu tin e recursonan disponibel, no tin avance riba mehoracion di careteranan. P’esey durante e bishita el a firma un acuerdo di cooperacion entre gemeente Alphen aan de Rijn, Rotterdam, Boneiro y Reino. Di e forma aki ta sigui cu e acuerdo cu tin y brinda apoyo na continuacion di renobacion di e camindanan. Awo ta bay concentra riba ehcuciondi berdad di e diferente proyectonan di caretera cu ta para.
Relaciona cu e desaroyo di e acuerdo di Gobernacion, Knops a bisa cu el a reuni cu e Manager di Programa. Tanto e ehecutivo aki como Bestuurscollege ta comparti su conclusion cu e avancenan no ta suficiente. Bestuurscollege di lo pusha riba e avancenan
A reuni cu esnan cu ta traha di cerca den e crisis pero tambe e sector cu mester traha pa pusha e economia, manera Camara di Comercio y diferente empresario. A papia di ideanan nobo cu rapidamente por wordo ehecuta y cual ayudo mester pa logra esaki. El a sinti aprecio pa e ayudo cu an ta ruicibi pero alabes a mustra preocupacion pa futuro.
E crisis, segun Knops ta bisa, ta ofrece Boneiro e oportunidad y mustra e necesidad di haci escogencianan pa futuro.
Pa Hulanda ta importante, el a bisa, conservacion di naturalesa. A papia riba con pa duna contenido na e concepto di Blue Destination y e oportunidadnan cu esaki ta duna pa desaroyo duradero di turismo na Boneiro.
Pero esaki ta exigi cierto decisonnan cu Bestuurscollege mester tum, manera con pa anda cu e crecemento no structura di e cantidad di habitantenan y ki tipo di turismo Boneiro ta desea. Den cuadro di esaki, Knops a reuni cu e director nobo di STINApa. A Sali na cla cu door di menos turismo crucero, e bida marina a desaroya positivamente. Asina ta mira hopi mas sorto di pisca. STINAPA a informa cu nan ta buscando forma pa midi calidad di awa den froma structural, pa di e forma aki tambe midi e efectonan di erosion. Un erosion cu por reduci door di un miho sistema di awa y recoge e awa di yobida, cu tambe por wordo uza den agricultura. Miho maneho pa cu cabrito y buriconan cu ta cana los, lo yuda wanta e erosion. Tur esaki ta decisionnan cu e Gobierno di e isla mester bay kibra cabes cu nan.
