Den e acuerdo di gobernacion parido MEP ta keda na MEP autonomo kende nan ta escoge pa presidente di parlamento, mes un cos partido RAIZ autonomo ta scoge su vice presidente. E sistema aki ta conta pa minister nan tambe e autoridad autonomo ey ta existi unda cu cada partido ta kies su candidatonan. Partido MEP no ta bay sinta den stoel y bisa RAIZ ken nan mester pone como vice presidente y of no kier tal vice presidente y of cua minister mester pone si of no paso no por traha cu ne.
Na momento cu tin un acuerdo mester respeta acuerdo di gobernacion y na momento cu no ta haci esaki ta crea problema. Den henter e rol aki integridad ta hunga un rol tambe. Aguerdo ta aguerdo y mester respeta esey. Tambe presidente di parlamento a ricibi un cantidad di carta for di lider di fraccion di Accion 21 , tanto presidente a ricibi esaki nan y gobernador , pero no a ricibi ningun contesta paso loke cu tin den e cartanan skirbi ta nonsence y na momento cu ta traha pa un Pais tipo di wega nan asina no ta mustra seriedad politico.
Na mes momento presidente di parlamento ta kere cu Aruba ta un pais di democracia y nos mester respeta esey, pero na mes momento ta mahos ora ta papia di un acuerdo politico cu ta mes pisa cu un contract y mester mantene na esaki y no ta haci esaki, e movecion aki ta muestra tambe di e integridad cu partido RAIZ tin.
E partido cu tin e cartera di integridad no ta mustra integridad y an momento cu partido MEP mester sostene un partido cu su integridad ta hopi abou ta algo hopi fastioso pa traha cu ne. Segin presidente di parlamento Edgar Vrolijk democracia ta algo cu nos tur mester respeta. Prome minister Evelyn Wever lo avisa ken ta e cantidad cu su partido ta sosotene diacuerdo cu e acuerdo cu MEP tin di gobernacion cu nan ta scoge e candidato autonomamente sin dictaduro di partido RAIZ y abase di esey mañan mainta lo tin un reunion y e lo cuminsa 9 or di mainta y lo wak kico ta e resultado unda cu e parlamento lo sinta algun luna prome cu eleccion. Sinembargo dictaduro di Partido RAIZ ta keda mustra un biaha mas.