Pa un total di 10 scol secundario (MAVO).
E programa educativo di “BeYourOwnBoss” lo introduci “entrepreneurship” na un grupo di casi 700 studiante (14-16 aña) y ekipa nan cu tur e habilidadnan empresarial necesario pa nan futuro.
Entrepreneurship tambe ta un opcion di carera y mas importante ainda, habilidadnan empresarial ta wordo exihi no solamente ora un persona ta un entrepreneur, pero tambe ora cu ta traha den cualkier organization. Locual cu e studiantenan lo siña durante e programa di “BeYourOwnBoss” nan lo por aplica den cualkier tipo di trabou cu wordo escogi den futuro.
Cu e firmamento di e LoI Aruba Bank N.V. ta formaliza su compromiso pa patrocina e programa educativo di “BeYourOwnBoss” pa 10 scol secundario (MAVO) cu ta lo siguiente: Abraham de Veer School, Ceque College, Colegio San Antonio, Colegio San Agustin, De Schakel College, EduCampus Aruba, Filomena College, John Wesley College, Juliana School, y Mon Plaisir College.
E Kick-Off di e programa lo cuminsa na e comienso di e aña escolar nobo y lo termina cu un “Pitch Event” na final di e aña escolar. Como contenido di e programa, studiantenan lo ser conoci cu diferente entrepreneurs local unda nan lo comparti nan experencia y conocemento di nan propio mercado. Por medio di tareanan practico studiantenan tambe lo siña con pa hasi un sondeo di e mercado local. Na final tur studiante lo haya e oportunidad pa presenta nan propio idea di un producto of servicio durante e “Pitch Event”.
Un gradicimento ta bai na tur e 10 scolnan hunto cu nan docentenan y cabesantenan, y nos ta desea nan tur clase di exito cu e programa aki y e aña escolar nobo 2022-2023.
Un danki special ta bai na Aruba Bank N.V. pa patrocina e proyecto aki y pa e colaboracion cu sigur lo hasi un impacto hopi grandi riba nos studiantenan y nan preparacion pa nan futuro carera.
Qredits Aruba ta conoci den e sector empreserial por medio di yuda varios comerciantenan cu micro financiamento te cu AWG 100,000. – pa start y expande nan propio negoshi. Qredits Aruba tambe ta sostene empresarionan via coaching, recursonan y programanan educacional.
