Tur caminda tin su retonan y na brandweer esaki no ta un excepcion,Vice Presidente di sindicato SINBA Jonathan Ramada ta duna di conoce cu tin decisionnan cu a pasa unda cu miembronan no ta di acuerdo y tur e puntonan aki tambe ta bay keda treci padilanti.
Sinembargo den gerencia di brandweer tambe tin situacionnan cu a pasa cu ta mira un adelanto y cu tin algun miembro cu ta contento cu e parti nan aki tambe. Tin cosnan bon y tin cosnan malo cu ta pasa, pero primordialmente mester enfoca pa e cosnan malo drecha y e cosnan bon sigui sosode na bienestar di cuerpo di Bombero.
Un di e cosnan positivo cu ta pasando na e momentonan aki ta cu tin opleiding andando y na momento cu e brandweerman nan termina e ta bira un diploma cu ta wordo reconoci rond mundo cu no ta solamente na Aruba por haci uzo di dje. Actualmente algun brandweerman so por a haci e opleiding aki, pero cu e speransa si tur cos cana bon den e prome parti aki tin e speransa cu mas brandweerman por haci e opleiding aki tambe.
Tambe kier traha riba e imagen di Brandweer, mirando cu cada bombero cu ta traha na brandweer ta traha e trabao cu amor y cu pasion pa tey pa e pueblo di Aruba na momento cu e pueblo tin mester di dje. Kico cu por pasa of kico e situacion por ta solucion ta busca pa duna e servicio y e yudansa cu e pueblo di Aruba merece.
Aunke no por tapa solo cu un dede berdaderamente Brandweer ta den un situacion dificil na e momentonan aki, pero cu e speransa pa poco poco tur cos wordo regla ta na caminda, pero esey no ta kita of stroba pa e brandweerman nan sali y duna e asistencia necesario.
Pueblo por ta trankil y tin tur e confiansa cu cada un brandweerman tey pa traha y tey pa e comunidad di Aruba. Vice presidente di sindicato SINBA lo cuminsa parti un documento pa esunnan cu ta desea pa postula nan mes pa haci esaki mas pronto cu ta posibel pa asina e eleccion por tuma luga y asina Brandweer por tin nan presidente di sindicato bek pa cuminsa trata y atende e situacionnan cu tin den brandweerl Aruba.
Click aki bao like y share 👇🏽