Pueblo di Boneiru a fada i a demostra su mal kontentu kon OLB /Toezicht en Handaving ta prefiligiá hulandes eropeo i trapa derecho di un yu di Pueblo di traha honesto i gana su pan honestamente di kada dia.
Awèl ayera e pueblo a manifestá i mustra ku nan ta sostené Egon ‘Eki’ Manuel. Un karavana di hopi outo a pasa pita dilanti kas di e makamba ku a bin biba den Playa Pabou i ta reklamá ku nos ta pasa pita Eki na su truk di bende pastechi i ta kita su trankilidat.
Asta algun bròmer a pasa res nan bromer dilanti kas di e makamba i hopi hende a bisa ku nan lo sigui pita ora nan pasa dilantj e makamba su kas pa molestié pasifikamente pa su otro paisano kue kurpa.
Esaki ta un komienso pa manda un señal klarito pa ulandesnan eropeo ku ta bin biba na Boneiru ta kere ku nan por yega kita nos kustumber di kuminda otro ku pitu di outo.
T’asina ku siudadano Egon Eki Manuel tin su truk di bende Jòní kek i un ulandes eropeo no ta gusta ku e truk di bende pastechi ta stashoná ne setio i ku konosí nan ta pasa pita saludá. Ta nos kustumber di kuminda otro maske no konosé otro. Esmas Manuel tin un pèrmit di Venvergunning ku e mag stashoná unda ku e ke riba via Públiko basta e no ta stroba tráfiko ni pasada di hende na pia. E truk sa para dilanti ofisina di Konsulado Venesolano na Playa Pabou i awor e ta para e truk un tiki mas na suit pabou di SKAL den solo. Komo ku dilanti di ofisina di Konsulado Venesolano tabatin un palu ku ta wanta poko solo i poko mas fresku.
Ayera e eks miembro di Konseho Insular Milena Winklaar a hasi un yamada via su Facebook na pueblo boneriano pasa pita dilanti e hulandes eropeo su kas i pita outo pa sali sostené un yu di tera i pueblo a demostrá ku awor si tin basta ku hulandesnan ta bin biba aki i nos mester bai segun nan regla. Ayera pueblo a demostrá solidaridat ku Egon Manuel. Esaki ta un kuminsamentu di algun demostrashon di pueblo su malkontentu a sali pa su derecho i kultura i kustumbernan.
Ta bai tin mas demostrashon na kaminda entre otro mínimo sosial. Eeun gewaarschuwde man telt voor veel den e kaso aki.
