Pa e Psicologo Mitsy Willems ta un grandi dia na momento cu e la tuma su diploma di su Master Neuropsicologia na Spaña. Esaki tabata un momento unico cu a tuma luga na Spaño unda cu despues di a studia y a logra su diploma lo por yuda hopi mas hende den diferente area.
Mitsy Willems na momento cu e ta na na Spaña e por bisa cu e por a tuma nota cu tin hopi mas dedicacion pa e parti mental di e comunidad na Spaña. Berdad ta cu na Aruba nos tin e atencion di esaki pero nos por duna un tiki mas mirando nos ta un isla chikito e lo haci un efecto positivo riba e isla. Despues cu a haya su diploma di Neuropsicologia clinico por bisa cu Mitsy Willems a studia e celebro y e comportacion di e serhumano.
Mitsy Willems ta sumamente contento mirando cu semper e la focus pa por logra e master aki, aunke tur aña e ta haci diferente cursonan pero e biaha aki pa un temporada largo a dicidi di haci su master den su Neuropsicologia clinico y a logra esaki tambe.
Yudando hende y awo por identifica hopi mas con e celebro ta traha como Neuropsicologia clinico ta kere cu por yuda hopi mas hende den nan situacionnan. Mitsy Willems por yuda den tur area manera personanan cu ADHD, Alzheimer , Parkinson por bisa awo generalmente por yuda y traha riba diferente ehercicionan Neuropsicologico y no solamente traha riba e traumanan cu e persona por tin. Mester bisa esaki ta e di dos master cu Mitsy tin.
Awo cu e master aki na Aruba tin solamente 2 Neuropsicologia Clinico y Mitsy Willems ta cla pa yuda tur esunnan cu tin mester pa sigui padilanti.
Un pabien na drs. Mitsy Willems cu su logro y e deseo pa sigui yuda Aruba.
