Minister Demisionario Dangui Oduber ta contento di informa cu tin un
bunita proyecto mas cu ta den tramite pa start.
Como parti di a maneho di turismo y tambe historia, na comienso di aña 2023 a
colabora cu e comision di Aruba, Outdoor Amenities, hunto cu ministerio di
Infrastructura y TPEF a sigui explora e vision pa sigui preserva y restaura nos historia.
Den cuadro di esaki a proyecto pa preserva y embeyece e area di bunker riba cero
colorado a cristalisa.
E parke di e area aki lo wordo restaura, embeyece y tambe lo introduci un “Memorial
Area” den cual nos local nan y turista por lesa y conoce mas di nos historia. Mas bien
riba e historia di e area, cual ta e Ammo Bunker, Lighthouse y nan funcion tempo di
guera.
Esaki ta un otro bunita proyecto cu tawata tin varios luna caba den preparacion y ta
sumamente contento di mira nan bay wordo realisa.
Mi kier a duna un aprecio y gradicimento na nos departamento di obra publico (DOW) di
pa diseña y encamina e proceso di destaho y tambe TPEF pa kere den e proyecto. Por
ultimo e comision Aruba Outdoor Amenities pa tin e aprecio pa nos historia y cultura.
Trabou nan ta premira pa start pronto y lo dura algun luna. Corda tene na cuenta cu e
area den momento nan di construccion. Minister ta hopi satisfecho di mira cuanto
proyecto a wordo ehecuta caba y cuanto lo bay cuminsa e aña aki.
