Proyecto poder pa hubentud a inicia unda cu hobennan a keda nomina den e areanan cu nan ta destaca sea di nan talento of riba nan dedicacion na trabounan boluntario , desaroyo personal ect ect. Despues cu e hobennan a keda nomina nan a haya diferente tayer pa asina nan por ricibi diferente tools con nan por hinca un proyecto den otro.
E hobennan por a analisa diferente areanan cu tin di haber cu Aruba , pero nan a bay mas profundo den loke ta e problemanan cu tin y den esaki nan mester a presenta eventualmente un solucion pa asina yuda mehora e necesidad den comunidad. Segun director di ATHA Franchesca Heinze e hobennan lo bay presenta nan proyectonan dilanti di hurado y na final e proyecto cu Sali lo keda ehecuta , esaki ta encera cu e hoben lo haya un presupuesto di 2500 florin y hunto lo desaroya e proyecto.
No falta mucho pa inicia e di dos parti di poder pa Hubentud , despues lo anuncia e ganado durante di e evento di youth fest cu lo tuma luga diabierna dia 16 di augustus. Despues cu e ganado a keda anuncia lo cuminsa mesora pa traha riba e proyecto y lo cuminsa cu e parti di planeamento unda cu e hobennan lo haya diferente tools nan con pa traha den un comision, con pa yama un reunion, con pa dirigi un reunion , con pa haci yamada, con pa busca informacion afo unda cu nan mes por crea nan mes un reunion cu nan stakeholdes. Despues di e ehecucion di e proyecto lo clausura e proyecto poder di Hubentud cu un award night .
Otro siman Aruba y rond mundo ta celebra dia internacional di hoben, esaki ta dia 12 di augustus unda cu ATHA ta bay tin su camp, buki di pret, hisa fli cu ATHA y e hobennan cu un edad mas halto lo celebra e final na the venue cu Youth fest by ATHA
