Hunto Grandi, Grandi Hunto” (HGGH) ta un proyecto di Fundacion Movimiento Ta Bida (FMTB) y subsidia dor di Cede Aruba. Dia prome di october mundialmente a celebra dia internacional di adulto mayor. Den cuadra di esaki proyecto HGGH aña pasa a cuminsa cu e tradicion di hasi actividadnan pa nos grandinan durante henter luna di october. Den preparacion pa cu e celebracion e aña aki FMTB y HGGH a hasi e petishon na gobierno pa proclama henter luna di October como luna di Adulto Mayor.
FMTB y Proyecto HGGH ta masha contento cu gobierno a proclama luna di october como “Luna di Adulto Mayor”. E coordinadora di e proyecto HGGH Sra. R. Leon cu e mentor nan di e proyecto Sra. S.Geerman, Sra. L.Gil & Sra. I.Croes-Dubero a percura pa brinda diferente actividad den diferente bario na Aruba unda cu e parti educativo, fysico, recreativo y social a bin na resalta.
Nos mester gradici Setar Aruba N.V. cu tawata sponser oficial pa e luna di Adulto mayor unda cu tur e actividadnan tawata completamente gratis pa tur esnan cu a participa. E programa pa luna di adulto mayor a consisti di charlanan, actividad nan creative y recreativo, cultural y social.
Proyecto HGGH a inaugura luna di Adulto mayor cu e soft opening di Centro di hasi fotocopia pa gruponan di 60+ na oficina di FMTB, un donacion di Delta Blue. Esaki lo bai ofrese e gruponan e facilidad di haci copia na un prijs rasonabel. Centro di Copia 60+ lo habri su porta Jan 2022.
Charlanan a lanta e interes di 60+ mirando cu un total di 210 Adulto mayor a haci uso di e oportunidad pa asisti na esaki nan. Un danki na tur orador nan informacion na nos adulto mayor.
- Belasting presenta door di Sra. Romano cu un totaal di 60 persona
- Notaris Marion Tromp cu un total di 55 persona
- Dokter Jaime Falconi y Dokter Maritza Ordoñez 55 persona
- E otro topico Elmar, Demencia, Prevencion di caida, Cuminda balansa tur cu un total di 40 persona.
Actvidadnan creativo y recreativo manera Seso Sport, Sportinstuif y Car Rally tambe tawata tin su interes unda cu un total di 183 persona a participa. Nos por remarca cu pa loke ta actividadnan di nos cultura esaki ta algo cu hopi Adulto Mayor a gusta masha hopi mes unda cu mas o menos 100 hende a sa di haci uso di e oportunidad pa bishita Museo Arquelogico, bishita Cas Tan Tin y pasa UNOCA pa busca buki totalmente gratis.
MetaCorp a join e celebracion di Luna di Adulto Mayor unda cu nan a duna 100 Adulto Mayor e chens oportunidad di gosa du un pelicula tanto na O’stad como na San Nicolas di un pelicula completanente gratis.
Luna di Adulto Mayor a haya su famoso “Anochi di canto den luna yen” na Kapel di Alto Vista unda cu un total di 110 persona a asisti na e anochi aki pa scucha storia y canta hunto cu Eric Rincones y su guitara. Tambe nan por a hasi uso di e oportunidad di mira dor di e telescoop cu sr.D.Everon a ofrece na presentenan, cu tawata un experencia unico.
E calander tambe a conta cu caminatanan den naturalesa unda cu mas o menos 60 persona a participa.
Un impacto bunita ta e felicidad, alegria y union bou di participantenan di tur skina di Aruba.
Proyecto HGGH ta desea di trece dilanti cu a keda confirma e necesidad na actividadnan nacional pa 60+ y cu 60+ mes por percura pa nan exito tambe.
Por ultimo Proyecto HGGH y FMTB ta gradici Cede Aruba cu ta duna sosten financiero na e proyecto Hunto Grandi, Grandi Hunto y na Setar pa cu e contribucion. Tambe Proyecto HGGH kier a duna danki na Romar Trading, Compra Aruba N.V. , Martijn Trading, Fruteria Virgilio, L’oreal , Paper Sister, Craft & Lola, Starbucks, Super Food, Aruba Aloe, Casa Tua & Bohemian Restaurants, Smith & Dollas. Sin lubida e boluntarionan cu a yuda durante henter e luna. Super danki di curason! Proyecto HGGH ta sigur cu e actividadnan a logra aporta na e calidad di bida di nos Adulto nan Mayor.
Aruba “ Hunto nos ta Grandi y GRANDI nos ta Hunto!!!
