Akibou bo ta haña e medidanan di mas importante pa ciudadano- y empresanan na Hulanda Caribense, cu ta parti di e Proposicion di lei Plan Fiscal 2024. A manda e proposicion aki riba Prinsjesdag pa e parlamentonan. Ora cu Tweede Kamer y Eerste Kamer bay di acuerdo ku e proposicion, e medidanan ta drenta na vigor entrante prome di januari 2024.
Introduccion
Na 2010 Boneiro, Sint Eustatius y Saba a bira parti di Hulanda como munisipionan particular. For di e momento e, un parti di e sistema fiscal riba e islanan den liña grandi a keda igual. Gabinete kier actualisa i mehora e sistema e añanan binidero. Cu e proposicion di lei aki ta tuma e prome paso pa logra esey. E medidanan den e proposicion di lei aki ta relevante pa particularmente empresario i tin menos impacto pa ciudadano.
Meta
Actualisa e sistema actual, di manera cu e ehecucion den practica ta mehora y caminda esey ta posibel, ta bira mas simpel. Ademas, gabinete tin e intencion pa, mediante algun areglo, aumenta e capacidad financiero di esunnan cu entrada abou.
Proposicion
Ta trata di un proposicion di lei cu diferente medida rondo di diferente tema. Esunnan di mas importante ta relaciona cu un impuesto minimo pa empresario, e encargo di integracion, e opbrengstbelasting, e areglonan di sueldo usual (gebruikelijke loonregeling) i e Areglo pa Empresa Chikito (Kleine Ondernemersregeling (KOR)). Mas aleu ta bin un obligacion pa declara ora cumpra un vivienda relaciona cu vastgoedbelasting.
Kico e medidanan aki ta nifiká pa abo?
Akibou bo ta haña e cambionan di mas importante pa ciudadano i empresa. Pa un specificacion completo nos ta referi na e documentonan di Prinsjesdag: Miljoenennota en Rijksbegroting | Rijksoverheid.nl
Autonan di pasahero:
Pickup (cu un cabina) i vehiculo di entrega no ta cay mas bou di e tarifa regular di ABB, pero bou di e tarifa halto. E tarifa regular di ABB na Boneiro ta 8% i e tarifa halto 25%. Na e islanan ariba, e tarifa regular di ABB ta 6% i e tarifa halto (progresivo) ta depende di balor di e auto. E tarifa progresivo ta conta cu e personahenan di: 10, 18, 22 i 30. Esey no ta conta pa vehiculonan di entrega cu un funcion special manera waha di morto, ambulance, polis y brandweer.
Obligacion pa declara Vastgoedbelasting:
Si abo como propietario nobo di un cas cu no ta bo residencia principal of di un comercial local no ricibi un aanslag di impuesto pa Vastgoedbelasting, automaticamente bo ta obliga pa declara esaki abo mes. Si no, bo ta core riesgo di haña un boet.
Abolicion di eksonerashon di dividendo:
Ta elimina e exsoneracion di dividendo den impuesto di entrada (inkomstenbelasting), den cua tabata exsonera dividendo te na e suma maximo di 5.000 doler pa aña. Ora di stipula e entrada taksabel den un aña, entrante 2024, mester paga impuesto di entrada (inkomstenbelasting) riba tur dividendo cu a ricibi cu ta surpasa e suma liber di impuesto (i e compensacion di grandinan).
Opbrengstbelasting:
E condicionnan pa ricibi un decreto di establecimento (vestigingsplaatsbeschikking) pa opbrengstbelasting ta bira mas facil di un banda i di e otro banda, mas estricto pa evita mal uzo. Ta trata aki di companianan di un holding cu ta tene un porcentahe cualifica den un compania subsidiario na Hulanda Caribense, cu ta dispone di un decreto di establecimento.
Areglo di sueldo usual (Gebruikelijk loonregeling):
E areglo di sueldo usual ta conta pa un tenedo di interes significativo (aanmerkelijkbelanghouder) ku ta traha pa e compania. E areglo di sueldo usual ta encera cu ta considera cu un tenedo di interes significativo ta ricibi un sueldo cu ta normal pa e nivel i duracion di su labor. Ta adapta i amplia e areglo aki riba algun parti:
Na luga di e sueldo for di un relaciona laboral similar, ta aplica como norma di comparacion e sueldo for di e relacion laboral mas comparabel.
E areglo di sueldo usual ta aplicabel tambe pa e partner di e empleado cu un interes significativo den un compania.
Pa e asina yama ‘éénpitternan’ ta basa e criterio di comparacion riba e volumen di benta di e compania.
Ademas, ta substitui e suma standard pa un suma cu ta fiha riba dos biaha e suma liber di impuesto.
Recargo di integracion:
E encargo aki tin di haber cu e ekivalente di ‘btw’ i cu na Hulanda a aboli caba na 2014. Awor ta aboli e encargo aki na Hulanda Caribense tambe, pa motibo cu e ta soru tambe pa puntonan problematico riba mercado di vivienda. Cu su abolicion ta elimina esaki tambe. Por ehempel ta bira mas facil pa empresarionan huur cas cu nan mes a construi.
Areglo pa Empresa Chikito (Kleine Ondernemersregeling (KOR):
Ta aumenta e margen di volumen di benta anual di 20.000 doler na 30.000 doler, di manera cu empresario chikito no tin mester di paga ABB.
Impuesto minimo:
E sistema actual na Hulanda Caribense no conoce impuesto riba ganashi (winstbelasting) pa compania. Den situacion extraordinario esaki no ta deseabel, como cu e ta fomenta mal uzo y froude den situacion internacional. Cu e medida aki, ta implementa un impuesto minimo i ta cumpli cu e modelo Hulandes i norma Europeo cu ta conta pa impuesto minimo pa empresario internacional operativo. Ademas, e medida aki ta simplifica e sistema fiscal i ta mas prepara pa futuro. Ta trata aki solamente di e gruponan multinacional cu un volumen di benta mundial di 750 miyon euro of mas i cu un sucursal na Hulanda Caribense.