Propiedad cumpra pa un cas di refugio pa violencia domestico na Saba

Cu e firma di e documentonan oficial pa cumpra un edificio, e Entidad Publico Saba a tuma un paso mas dilanti pa establece un luga permanente pa victima di violencia domestico riba e isla.

E entidad publico Saba a firma e acto di transmision di un pida tereno cu un edificio residencia cu seis apartamento riba dje. E propiedad ta situa na The Bottom, den un area conoci como The Gap.

Gobernador di e isla, Jonathan Johnson, den nomber di e entidad publico Saba, y e doño di e propiedad, Michael Levenstone, a firma e acto di transmision na e oficina di notario Marcia Bouterse.

Tambe presente pa e firma tabata Comisioner Eviton Heyliger, Hefe di Departamento Rosa Johnson i Coordinado di Violencia Domestico Mildred Rijhiner.

E iniciativa pa crea un refugio pa victimanan di violencia domestico ta basa riba e acuerdo cu Ministerio di Salud Publico, Bienestar y Deporte VWS. Con e establecimento di e e refugio na The Gap, Saba lo tin awor un solucion di termino largo pa casa temporalmente victima di violencia domestico. Te awor, Saba tabatin solamente un cas temporal.

Tin un maneho pa e operacionnan di e cas di refugio. E refugio lo traha den estrecho colaboracion cu cadera, un organisacion na Hulanda cu ta specialisa den violencia domestico, y Crusada, cu ta opera e luga di refugio na Bonaire. E intencion ta pa habri e refugio na Saba prome cu fin di e aña aki.